ကုန်သွယ်မှုသတင်းများ
ပြည်ခရိုင်၊ ရွှေတောင်မြို့နယ်ရှိ မီးလောင်အုပ်စု၊ မီးလောင်ကျေးရွာတွင် ဖူးစားပြောင်းဖူးများထွက်ရှိနေပြီဖြစ်သဖြင့် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံနှင့် အဖွဲ့သည် (၂.၈.၂၀၂၂)နေ့ နေ့လယ် (၁:၀၀) နာရီအချိန်တွင် မီးလောင်ရွာသို့ သွားရောက်၍ ဖူးစားပြောင်း စိုက်ပျိုးသူ တောင်သူနှင့်တွေ့ဆုံပြီး ဈေးနှုန်းဈေးကွက်အခြေအနေတို့အား ကွင်းဆင်းလေ့လာ ခဲ့ပါသည်။
တောင်ငူမြို့၏ မြောက်ဘက်အဝင် ကံရိုးကျေးရွာ တည်နေရာတွင် မြို့သူမြို့သားများ လုပ်အားတန်ဖိုးဖြင့် ဒေသန္တရ ငါးသယံဇာတ ဖွံ့ဖြိုးတိုးတက်ရေးအတွက် တူးဖော်ခဲ့သော ကန် ၁၀၀ စီမံချက်ဖြင့် ငါးမွေးမြူရေးလုပ်ငန်းအား ကေတုမတီငါးမွေးမြူရေး ကုန်ထုတ်သမဝါယမအသင်း လီမီတက်မှ နိုင်ငံတော်သို့ အသင်းမှတ်ပုံတင်ပြီး လုပ်ကိုင်ဆောင်ရွက်လျှက်ရှိပါသည်။
ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်တွင် မိုးစပါးစိုက်ဧက ၈၉၁၈၄ ဧက ရှိပါသည်။ လက်ရှိမိုးစပါးဈေးနှုန်းမှာ တင်း ၁၀၀ လျှင် ၁၁၀၀၀၀၀ ကျပ်ရှိပြီး ယခင်နှစ် အလားတူကာလတွင် စပါးတင်း ၁၀၀ လျှင် ၆၈၀၀၀၀ ကျပ်ရှိခဲ့သဖြင့် ယခုနှစ်တွင် ဈေးကောင်း ရရှိသည်ဟု ဆိုရမည်ဖြစ်ပါသည်။ သို့သော် ယခုနှစ် စိုက်ပျိုးရာသီတွင် သွင်းအားစုဈေးနှုန်းများ မြင့်တက်ခြင်း၊ စိုက်ပျိုးစရိတ်နှင့် လုပ်သားခများမြင့်တက်ခြင်း၊ သယ်ယူပို့ဆောင်ခ မြင့်တက်ခြင်းများ ဖြစ်ပေါ်နေပါသည်။
စစ်ကိုင်းတိုင်းဒေသကြီး၊ ကလေးမြို့ဈေးကွက်တွင် ချင်းတောင်မှ ထွက်ရှိသည့် ကြက်သွန်နီ၊ အာလူး၊ ပန်းမုန်လာ၊ ဂေါ်ရခါးသီးများနှင့် ခရမ်းချဉ်သီးများ အရောင်းအဝယ်ဖြစ်လျက်ရှိကြောင်း သိရှိရပါသည်။
မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏ လမ်းညွှန်ချက်ဖြင့် စားအုန်းဆီများကိုသက်သာသောဈေးနှုန်းဖြင့် စားသုံးသူပြည်သူများ ဝယ်ယူစားသုံးနိုင်ရန်အတွက် နေပြည်တော် ဆီကုန်သည်နှင့် ဆီလုပ်ငန်းရှင်များအသင်းနှင့် စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများပူးပေါင်း၍ ဈေးကားများဖြင့်လှည့်လည်ရောင်းချပေးလျက်ရှိရာ ယနေ့ ၂၀၂၂ ခုနှစ်၊ ဩဂုတ်လ ၂ ရက်နေ့မှာတော့ ဆီလုပ်ငန်းရှင် ဦးခင်မောင်ဝင်းနှင့် စားသုံးသူရေးရာဦးစီးဌာနမှ ဒေါ်စောမာလာနွယ်တို့ဦးဆောင်၍ ဇေယျာသီရ
