ကုန်သွယ်မှုသတင်းများ
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ် တော်သီး၊ ဇီးချိုသီး၊ ပဲစိမ်းစားဥနှင့် ဖရဲသီးများကို မန္တလေးမြို့မှ မှာယူရောင်းချလျက်ရှိကြောင်း သိရသည်။
မွန်ပြည်နယ်၊ ဘီးလင်းမြို့နယ်တွင် ဖရဲသီးများ လှိုင်လှိုင်ထွက်ရှိနေကြောင်း သိရှိရသည်။ ဖရဲခင်းများမှာ မော်လမြိုင်-ရန်ကုန်ကားလမ်းဘေးရှိ လယ်ကွင်းများတွင် စိုက်ပျိုးကာ ဖရဲသီးများကိုလည်း မော်လမြိုင်-ရန်ကုန်ကားလမ်းဘေး၌ ဆိုင်ခန်းများဆောက်၍ ရောင်းချကြသည်။
၁၆.၁.၂၀၂၅ ရက်နေ့ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ ဝန်ထမ်းများ၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒုတိယဦးစီးမှူး ဒေါ်ထက်ထက်နွေဦးနှင့် ဝန်ထမ်းများသည် ချောင်းဆုံမြို့နယ်ရှိ ပဲစိုက်တောင်သူ ဦးထွန်းသိန်း စိုက်ဧက (၂၂) ဧက ပိုင်ရှင်နှင့်တွေ့ဆုံ၍ ပဲမျိုးစုံကို အိန္ဒိယနိုင်ငံမှ ဝယ်လိုအား ကောင်းပြီး ဈေးကွက်ရှိသော်လည်း ပြည်ပဝယ်လက်များ မိမိနိုင်ငံအတွင်း စိုက်ကွင်းထဲထိဆင်း၍ ဈေးနှိမ်ဝယ်ယူခြင်းများ မရှိစေရေး မူဘောင
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်တွင် ပဲမျိုးစုံဖြစ်သော ပဲစဉ်းငုံနီ၊ ကုလားပဲ အမျိုးမျိုး၊ ပဲယင်းနီ၊ ပဲလွန်းပြာ၊ စွန်တာ(နီ/ပြာ)၊ ပဲနီပြား၊ ပဲကြီးနှင့် အခြားပဲမျိုးစုံတို့ကို စိုက်ပျိုး ထုတ်လုပ်လျက်ရှိပါသည်။ ပဲစဉ်းငုံနီကို စိုက်ပျိုးတောင်သူများအနေဖြင့် သီးညှပ်အဖြစ် စိုက်ပျိုးကြပြီး ပဲလွန်းပြာကို ကျွန်းမြေများတွင် တစ်ကွင်းတစ်စပ် စိုက်ပျိုးကြကြောင်း သိရသည်။
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်အတွင်းရှိ ရေစကြိုမြို့နယ်တွင် မတ်ပဲကို အဓိကစိုက်ပျိုးလျက်ရှိပြီး ယခုတစ်ပတ်တွင် ပခုက္ကူကုန်စည်ဒိုင်၌ မတ်ပဲများ နေ့စဉ် ဝင်ရောက် အရောင်းအဝယ်ဖြစ်လျက်ရှိပါသည်။ ၂၀၂၅ခုနှစ်၊ ဇန်နဝါရီလ(ပထမပတ်)တွင် မတ်ပဲတစ်တင်းလျှင် ကျပ် (၉၃၀၀၀) ဖြင့် အရောင်းအဝယ်ဖြစ်ခဲ့ကြောင်း သိရသည်။
