ပြည်ပကုန်သွယ်မှုသတင်းများ
ကမ္ဘောဒီးယားနိုင်ငံသည် ၂၀၂၄ ခုနှစ်တွင် လေယာဉ်ခရီးသွားစုစုပေါင်း ၆.၂၄ သန်း ရရှိခဲ့ ပြီးတစ်နှစ်ထက်တစ်နှစ် ၂၂ ရာခိုင်နှုန်းတိုးလာကြောင်း တာဝန်ရှိသူတစ်ဦးက ၂၂-၁-၂၀၂၅ ရက်နေ့က ထုတ်ပြန်ခဲ့သည်။ နိုင်ငံတကာနှင့် ပြည်တွင်းလေကြောင်းလိုင်းများသည် ၂၀၂၄ ခုနှစ် အတွင်း နိုင်ငံတော်၏အပြည်ပြည်ဆိုင်ရာလေဆိပ် (၃) ခုသို့ ပျံသန်းမှုပေါင်း ၅၈,၃၅၄ ကြိမ် ပျံသန်းခဲ့ပြီး တစ်နှစ်ထက်တစ်နှစ် ၁၄ ရာခိုင်နှုန်း တိုးမြင့်လာကြောင်း လေကြောင်းပို့ဆောင်ရေး ဆိုင်ရာနိုင်ငံတော်အတွင်းဝန်ရုံး(SSCA)၊ အတွင်းရေးမှူး Sinn Chanserey Vutha က ပြောကြားခဲ့ သည်။ ကမ္ဘောဒီးယားနိုင်ငံသည် ၂၀၂၄ ခုနှစ်အတွင်း လေကြောင်းကုန်စည
ဥရောပသမဂ္ဂ (EU) ၏ ပြန်လည်ပြည့်ဖြိုးမြဲ စွမ်းအင်ဆိုင်ရာ ညွှန်ကြားချက် (RED II) ၌ ပါရှိသော ဖော်ပြချက်အချို့သည် အင်ဒိုနီးရှားနိုင်ငံ၏ စားအုန်းဆီ တင်ပို့မှုအပေါ် တရားမျှတမှုမရှိပဲ ခွဲခြားဆက်ဆံခြင်း ပြုရာရောက်သည်ဟု ကမ္ဘာ့ကုန်သွယ်ရေးအဖွဲ့ (WTO) က စီရင်ဆုံးဖြတ်ခဲ့ပြီး နောက် ၎င်း၏ ဇီဝလောင်စာမူဝါဒများကို ပြန်လည်ပြင်ဆင်ရန် စီစဉ်နေသည်ဟု EU က ကြေညာ ချက် ထုတ်ပြန်ခဲ့သည်။
ကမ္ဘောဒီးယား တော်ဝင်အစိုးရအနေဖြင့် စိုက်ပျိုးရေးကဏ္ဍကို မြှင့်တင်နိုင်ခြင်းမရှိဟု ဝေဖန်ပြောဆိုမှုများအပေါ် ကမ္ဘောဒီးယား စိုက်ပျိုးရေး၊ သစ်တောနှင့် ရေလုပ်ငန်းဝန်ကြီး Dith Tina က ဇန်နဝါရီ ၁၅ ရက်နေ့တွင် ပြတ်သားစွာ ပယ်ချခဲ့ပြီး ဗီယက်နမ်သို့ တင်ပို့လေ့ရှိသော OM ဆန်အမျိုးအစားများ၏ ဈေးနှုန်းကျဆင်းမှုသည် ပြင်ပသက်ရောက်မှုများကြောင့်ဖြစ်ကြောင်း အလေးပေးပြောကြားခဲ့သည်။
စားအုန်းဆီ အများဆုံးထုတ်လုပ်သည့် အင်ဒိုနီးရှားသည် စားအုန်းဆီကို အချိုးကျရောနှော အသုံးပြုသည့် ဇီဝဒီဇယ်အသုံးပြုမှုအား မြှင့်တင်ထားသောကြောင့် မလေးရှားစားအုန်း ဆီကြမ်း (CPO) ၏ အနာဂတ် အလားအလာမှာ ၂၀၂၅ ခုနှစ်တွင် ပျမ်းမျှအားဖြင့် ဈေးနှုန်း ပိုမိုမြင့်တက်လာ မည်ဟု စစ်တမ်းကောက်ယူမှုအရ မျှော်လင့်ရကြောင်း ရိုက်တာသတင်းဌာနက ၂၁-၁-၂၀၂၅ ရက် နေ့တွင် ဖော်ပြထားသည်။
အိန္ဒိယနိုင်ငံ၌ ပြည်နယ်များနှင့် အီသနောထုတ်လုပ်သူများထံသို့ အရောင်းမြှင့်တင်ရန်နှင့် စားနပ်ရိက္ခာဖူလုံမှုအစီအမံများကို ပံ့ပိုးကူညီရန်အတွက် ဗဟိုအစိုးရသည် အိန္ဒိယ စားသောက်ကုန် ကော်ပိုရေးရှင်း (FCI) လက်ဝယ်တွင် သိုလှောင်ထားရှိသော အရန်ဆန်များအား ပြင်ပဈေးကွက်သို့ ရောင်းချမှု အစီအစဉ် (Open Market Sale Scheme) အောက်၌ ဆန် ၁ ကွင်တယ် (၁၀၀ ကီလို ဂရမ်) အပေါ် ရူပီး ၅၅၀ လျှော့ချလျက် သီးခြားအနိမ့်ဆုံးဈေးနှုန်းအသစ်ကို ရူပီး ၂၂၅၀ နှုန်း ပြင်ဆင် သတ်မှတ်ခဲ့ကြောင်း သိရသည်။
ဗီယက်နမ်၏ ဆန်တင်ပို့မှုသည် ၂၀၂၄ ခုနှစ်၌ တန်ချိန် ၉ ဒသမ ၀၄ သန်းဖြင့် စံချိန်တင် မြင့်မားခဲ့ရာမှ ယခုနှစ်တွင် မက်ထရစ်တန်ချိန် ၇ ဒသမ ၅ သန်းသို့ လျော့ကျမည်ဟု ခန့်မှန်း ထားကြောင်း ဗီယက်နမ် စားသောက်ကုန်လုပ်ငန်းအသင်း ဥက္ကဋ္ဌ Nguyen Ngoc Nam က ပြော ကြားခဲ့သည်။
၂၀၂၃ ခုနှစ်၌ စံချိန်တင်ထွက်ရှိသော စပါးတန်ချိန် ၂၀.၄၆ သန်းကို ကျော်လွန်ပြီး ၂၀၂၅ ခုနှစ်တွင် စပါးအထွက်ပမာဏ တိုးတက်မည်ဟု ခန့်မှန်းထားကြောင်း ဖိလစ်ပိုင် စိုက်ပျိုးရေး အတွင်းဝန်ဖြစ်သူ Francisco Tiu Laurel Jr. ကပြောကြားထားပါသည်။
အိန္ဒိယပြည်တွင်းဈေးကွက်၌ သကြားဈေးနှုန်းများ ကျဆင်းလျက်ရှိနေချိန်တွင် သကြား စက်ရုံများအနေဖြင့် ပိုမိုကောင်းမွန်သည့် ဈေးနှုန်းများရရှိစေရန်အတွက် ပြည်ပသို့ သကြားတန်ချိန် ၁ သန်း တင်ပို့ရန် အစိုးရက ခွင့်ပြုထားသည်ဟု ကုန်သည်သတင်းအရင်းအမြစ်များအရ သိရှိရပါ သည်။
ထိုင်းနိုင်ငံထံမှ သကာရည်နှင့် ကြိုတင်ရောစပ်ထားသော သကြားအမှုန့် တင်ပို့မှုများအပေါ် ချမှတ်ထားသော တင်သွင်းမှုပိတ်ပင်ခြင်းအား ရုပ်သိမ်းရန်အတွက် စေ့စပ်ညှိနှိုင်းမှုများ မပြုလုပ်မီ စက်ရုံဒါဇင်များစွာကို စစ်ဆေးရန် တရုတ်အာဏာပိုင်များအနေဖြင့် ထိုင်းနိုင်ငံဘက်သို့ တောင်းဆို ထားသည်ဟု ထိုင်းအစိုးရ တာဝန်ရှိသူများက ပြောကြားထားသည်။
အိန္ဒိယနိုင်ငံ၌ တောင်ပိုင်းရှိ တဲလန်ဂါနာပြည်နယ်မှ အမှတ် ၁၀၁၀ ဆန်နှင့် ၁၀၆၄ ဆန် အမျိုးအစား စုစုပေါင်း တန်ချိန် ၁၀၀၀၀၀ ကို ဖိလစ်ပိုင်နိုင်ငံသို့ တင်ပို့ရန်အတွက် အဆိုပါပြည်နယ် အစိုးရက စာချုပ်ချုပ်ဆိုခဲ့ကြောင်း သိရှိရသည်။
ဈေးကွက်အတွင်း ဈေးနှုန်းများအား ထိန်းသိမ်းနိုင်ရေးနှင့် နိုင်ငံတော်အရန်စားနပ်ရိက္ခာကို လျင်မြန်စွာ ဖြည့်တင်းနိုင်ရေး ကြိုးပမ်းအားထုတ်မှု၏ တစ်စိတ်တစ်ဒေသအဖြစ် နိုင်ငံတကာ တင်ဒါများခေါ်ယူ၍ ပြည်ပမှ ဆန်တန်ချိန် ၃ သိန်း ဝယ်ယူတင်သွင်းခြင်းကို အရှိန်မြှင့်တင်နိုင်ရန် အတွက် အစိုးရဝယ်ယူရေးလုပ်ထုံးလုပ်နည်းများအား ဘင်္ဂလားဒေ့ရှ်အစိုးရက ပြင်ဆင်ဖြေလျှော့ခဲ့ ကြောင်း သိရှိရသည်။
အိန္ဒိယနိုင်ငံတွင် ပဲစင်းငုံများအား အကောက်ခွန်လွတ်တင်သွင်းခွင့်ကို ယခင်က ၂၀၂၅ ခုနှစ် မတ်လ ၃၁ ရက်အထိ ခွင့်ပြုထားရာမှ ယခုအခါ ၂၀၂၆ ခုနှစ် မတ်လ ၃၁ ရက်နေ့အထိ နောက်ထပ် တစ်နှစ် သက်တမ်းတိုးမြှင့်လိုက်ကြောင်း ပြည်ပကုန်သွယ်ရေးညွှန်ကြားမှုဦးစီးဌာန (DGFT) က ဇန်နဝါရီ ၂၀ ရက်နေ့၌ အမိန့်ကြော်ငြာစာထုတ်ပြန် ဖော်ပြခဲ့သည်။
