ပြည်တွင်းကုန်သွယ်မှုသတင်းများ
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ဇေယျာသီရိဈေးတွင် ကြက်ဥ၊ ဘဲဥ၊ ငုံးဥနှင့်ဆေးဘဲဥများကို မကွေးမြို့နှင့် မန္တလေးမြို့တို့မှ မှာယူရောင်းချကြောင်း သိရသည်။
မကွေးတိုင်းဒေသကြီး၊ မကွေးခရိုင်၊ မကွေးမြို့တွင် ဗန်းမော်ဒေသထွက် နာနတ်သီးများ လှိုင်လှိုင် ဝင်ရောက်ကာ အရောင်းသွက်လျက်ရှိကြောင်း သိရသည်။
မကွေးတိုင်းဒေသကြီးသည် နှမ်းနှင့်ပဲမျိုးစုံကို အဓိကထားစိုက်ပျိုးထွက်ရှိသော ဒေသတစ်ခု ဖြစ်ပြီး မကွေးခရိုင်၊ မြို့သစ်မြို့နယ်အတွင်းရှိ ရုံးတော၊ ဝါးကြီးအိုင့်၊ ကွင်း၊ ဖန်ခါးပင်နှင့် ငွေလေးစသည့် ကျေးရွာများတွင် (မိုး) နှမ်း စိုက်ဧကပေါင်း (၂၀၀၀၀)ကျော် စိုက်ပျိုးထားရှိကြောင်း သိရသည်။
တောင်ငူမြို့သည် အရှေ့ဘက်တွင် အရှေ့ရိုးမတောင်နှင့် အနောက်ဘက်ရှိ ပဲခူးရိုးမတောင်ကြားတွင်တည်ရှိသော မြို့တစ်မြို့ဖြစ်ပါသည်။ တောင်ပေါ်ဒေသများရှိ ဝါးများမှရရှိသော ဝါးနွယ်မျှစ်များအား တောင်ခြေကျေးရွာများမှ ရွာသူ/ ရွာသားများခုတ်ယူ၍ မြို့ပေါ်ဈေးများတွင် လာရောက်ရောင်းချကြပါသည်။
တနင်္သာရီတိုင်းဒေသကြီးမှ ယခုအပတ်အတွင်း ရော်ဘာစျေးနှုန်းအခြေအနေမှာ RSS-3 တစ်ပေါင်လျှင် (၂၇၀ဝိ/-)ကျပ်နှင့် RSS-5 တစ်ပေါင်(၂၆၀ဝိ/−)ကျပ်စျေးနှုန်းရှိကြောင်းသိရပါသည်။ သို့ပါ၍ ယခင်အပတ်ဈေးနှုန်းနှင့် နှိုင်းယှဉ်ပါက ယခုအပတ်ဈေးနှုန်း အနည်းငယ်မြှင့်တက်လျက်ရှိပြီး ထားဝယ်တွင် ရော်ဘာဈေးနှုန်းအနေဖြင့် တောင်သူများတွက်ချေကိုက်လျက်ရှိကြော