(၄-၈-၂၀၂၃) ရက်နေ့ နေ့လည် (၁:၀၀) နာရီအချိန်တွင် မြောက်ဦးခရိုင် မင်းပြားမြို့နယ် ရွာပြင်ကျေးရွာအုပ်စု၊ ခေါင်းလောင်းရွာသစ်ကျေးရွာတွင် မိုခါမုန်တိုင်းကြောင့် ပျက်စီးသွားသော အိမ်ခြေများ ပြန်လည်ထူထောင်ပေးရန် နိုင်ငံတော်မှ ထောက်ပံ့ထားသေားပစ္စည်းများ လက်ခံရရှိခြင်းရှိ/မရှိနှင့် လိုအပ်သည်များကို ပြန်လည်ဖွဲ့စည်းပေးနိုင်ရေးအတွက် ကွင်းဆင်းဆောင်ရွက်ခြင်း အခမ်းအနားကို မြို့နယ်စီမံအုပ်ချုပ်ရေး အဖွဲ့ဝင်များ၊ မြို့နယ်အဆင့်ဌာန ဆိုင်ရာများနှင့် ကျေးရွာသူ/ရွာသား (၈၀) ဦးခန့် တက်ရောက်ခဲ့ပါသည်။
အခမ်းအနားတွင် မြို့နယ်စီမံအုပ်ချုပ်ရေးဥက္ကဌ ဦးမျိုးစိုးမိုးမှ အဖွင့်အမှာစကားပြောကြားပြီး မြို့နယ်ဆရာဝန်ကြီး ဒေါက်တာနေထွန်းမှ ကျန်းမာရေးနှင့်ပတ်သက်၍ ကူးစက်ရောဂါများ ကြိုတင်ကာကွယ်နိုင်ရေးအတွက် အသိပညာပေးဆွေးနွေးခြင်း၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ဦးစီးမှူး ဦးမောင်မောင်သိန်းမှ ကျေးရွာများဖွံ့ဖြိုးတိုးတက်ရေးတို့အတွက် ကျေးရွာလမ်းများ၊ တံတားများ၊ ရေးတွင်းရေကန်များ ပြုလုပ် ပေးနိုင်ရေးအတွက် ဆွေးနွေးခြင်း၊ မြန်မာနိုင်ငံရဲတပ်ဖွဲ့၊ မင်းပြားမြို့မ ဒု-စခန်းမှူး ဦးနေလင်းထွန်းမှ တရားဥပဒေစိုးမိုးရေးနှင့် လူကုန်ကူးမှုတိုက်ဖျက်ရေးကိစ္စဆွေးနွေးပြီး မွေးမြူရေးနှင့် ကုသရေးဦးစီးဌာန၊ ဒေါက်တာချစ်ဦးလွင်မှ တိရိစ္ဆာန်များရောဂါကာကွယ်ရေးနှင့် တိရိစ္ဆာန်များ တိုးချဲ့မွေးမြူနိုင်ရေးအတွက် ဆွေးနွေးခြင်း၊ မြို့နယ်မီးသတ်ဦးစီးဌာန၊ မြို့နယ်ဦးစီးမှူး ဦးထိန်လင်းထွန်းမှ မီးဘေးအန္တရာယ် ကြိုတင်ကာကွယ်ရေးအတွက် ဟောပြောဆွေးနွေးခြင်း၊ စိုက်ပျိုးရေးဦးစီးဌာန၊ မြို့နယ်ဦးစီးမှူး ဦးဇော်နိုင်ဝင်းမှ မိုးစပါးစိုက်ပျိုးမှုအခြေအနေနှင့် စပါးများပိုးမွှားကင်းစင်ရေးအတွက် အသီးသီးဆွေးနွေးခဲ့ကြပြီး စားသုံးသူရေးရာဦးစီးဌာန မြို့နယ်တာဝန်ခံ ဦးမောင်သန်းဝင်း(ဒု-ဦးစီးမှူး)က စားသုံးသူ၏ အဓိပ္ပါယ်နှင့် စားသုံးသူကာကွယ်ရေးလုပ်ငန်း၏ ရည်ရွယ်ချက်များ ကုန်စည်နှင့် ဝန်ဆောင်မှုများ၏ အဓိပ္ပါယ်များ ပြည်သူတိုင်းသည် စားသုံးသူများဖြစ်၍ စားသုံးသူများရသင့်ရထိုက်သော အခွင့်အရေးများ၊ လိုက်နာရမည့်တာဝန်များ စားသုံးသူများလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက် များနှင့်အညီ သိသာထင်းရှားစွာဖော်ပြရမည့် အကြောင်းအရာများ စားသုံးမည့် ကုန်စည်များလုံခြံစိတ်ချရမှုရှိစေရန်ကဏ္ဍများ စားသုံးသူများကြီးမားသော ဘေးအန္တရာယ် ဖြစ်ပေါ်စေခဲ့လျှင်(သို့) နစ်နာဆုံးရှုံးမှုဖြစ်ပေါ်ခဲ့လျှင် ဌာနမှ ဖွင့်လှစ်ထားရှိသော စားသုံးသူသတင်း ပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ(CICC)သို့ လူကိုယ်တိုင်ဖြစ်စေ၊ တယ်လီဖုန်းဖြင့်ဖြစ်စေ တိုင်ကြားနိုင်ပါကြောင်း အကျယ်တဝင့်ရှင်းလင်းဆွေးနွေးခဲ့ကာ ကျေးရွာ သူ/ကျေးရွာသားများ၏ မေးမြန်းချက်အပေါ် ပြန်လည်ဆွေးနွေးခဲ့ပါကြောင်းနှင့် အခမ်းအနားကို ညနေ (၄:၀၀) နာရီအချိန်တွင် ရုပ်သိမ်းခဲ့ပါကြောင်း သတင်းရရှိပါသည်။
DOCA (ရခိုင်)