ရခိုင်ပြည်နယ်၊ ကျောက်ဖြူမြို့နယ်သည် ဘင်္ဂလားပင်လယ်အော်ထဲရှိ ရမ်းဗြဲကျွန်းပေါ် တွင်တည်ရှိပြီး ရာသီဥတုမျှတပြီး ရေထွက်ပစ္စည်းပေါများသော်လည်း ဟင်းသီးဟင်းရွက် ရှားပါးသော မြို့နယ်ဖြစ်ပါသည်။ ယခုအခါ တောင်သူများသည် ဒေသတွင်းလိုအပ်သော ဟင်းသီးဟင်းရွက်များကို မြို့နယ်အတွင်းဒေသများဖြစ်သော စေတီယျ၊အုန်းတော၊ ဂုံးချိန်၊ ရေနံတောင်၊ မင်းပြင်၊ ဇင်ချောင်းနှင့် စနဲကျေးရွာအုပ်စုများတွင် စိုက်ပျိုးရေးဆိုင်များမှ မျိုးစေ့များဝယ်ယူပြီး ရာသီအလိုက် စိုက်ပျိုးလာကြပါသည်။
နွေရာသီတွင် မြေအောက်ရေများစုပ်ယူပြီး စိုက်ပျိုးကြသော်လည်း ဒေသတွင်း ဖြစ်ထွန်းမှုအားနည်းနေသော ဂေါ်ဖီထုပ် ၊ ဂေါ်ဖီပွင့်၊ ခရမ်းချဉ်သီး၊ မုန်လာဥနီ၊ မုန်ညှင်း၊ ငရုပ်ပွ၊ ငရုပ်စိမ်း၊ ပဲတောင့်ရှည်သီး၊ ဂေါ်ရခါးသီး၊ ကျောက်ဖရုံသီးတို့ကို မင်းဘူး၊ အင်းမ၊ ဝက်ပုတ် ဒေသတို့မှ ဈေးကွက်လိုအပ်ချက်များအပေါ် အားဖြည့်မှာယူတင်သွင်းပြီး ရောင်းချနေကြောင်းသိရပါသည်။
ထိုသို့ ဝင်ရောက်ရာတွင် ယခုရက်သတ္တပတ်အတွင်း ဂေါ်ဖီထုပ် (တစ်ထုပ်) ကျပ် -၁၃၀၀၊ ဂေါ်ဖီပွင့် (တစ်ပွင့်) ကျပ်- ၁၄၀၀၊ ခရမ်းချဉ်သီး (တစ်ပိဿာ) ကျပ်- ၁၅၀၀ ၊ မုန်လာဥနီ (တစ်ပိဿာ)ကျပ်-၄၀၀၀၊ မုန်ညှင်းနှင့်ငရုပ်ပွ (တစ်ပိဿာ) ကျပ်-၆၀၀၀၊ ငရုပ်သီးစိမ်း(တစ်ပိဿာ) ကျပ်-၁၅၀၀၊ ပဲတောင့်ရှည်သီး (တစ်ပိဿာ) ကျပ်-၁၅၀၀၊ ဂေါ်ရခါးသီး (တစ်လုံး) ကျပ်-၁၂၅၊ ကျောက်ဖရုံသီး (တစ်လုံး) ကျပ်-၁၈၀၀အသီးသီးလက်လီ ဈေးနှုန်းများဖြင့် အရောင်းအဝယ် ဖြစ်လျက်ရှိကြောင်း သိရပါသည်။
စားသုံးသူရေးရာဦးစီးဌာန(ရခိုင်ပြည်နယ်)