စားသုံးသူရေးရာဦးစီးဌာန ၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး ဦးစီးမှူး၏လမ်းညွှန်မှုဖြင့် မိတ္ထီလာခရိုင်ဦးစီးမှူးရုံးမှ ဝန်ထမ်းများသည်ကုန်စည်များ၏ ဘေးအန္တရာယ် ကင်းရှင်းရေးနှင့် ကုန်အညွှန်းအမှတ်အသားဆိုင်ရာ သတ်မှတ်ချက်များနှင့်အညီ စားသုံးသူများနှင့် စီးပွားရေးလုပ်ငန်းရှင်များကြား သတိပေးချက်တစ်ခုဖြစ်စေနိုင်ရန်နှင့် စားသုံးသူများအတွက်လည်း ဘေးအန္တရာယ်ကင်းရှင်းသော ကုန်စည်ကိုသာဝယ်ယူရရှိစေရန်နှင့် အသင့်သောက်အချိုရည် အမျိုးမျိုးသည် အသက်အရွယ်ငယ်ရွယ်သူများ သက်လတ်ပိုင်းများ နေ့စဉ်စားသုံးမှုအများဆုံးဖြစ်၍ ကျန်းမာရေး ထိခိုက်မှုဖြစ်ပွားနိုင်မှုများခြင်းကြောင့် ၂၀၂၃ ခုနှစ်၊ သြဂုတ်လတွင် စျေးကွက် စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးခဲ့ရာတွင် (မိတ္ထီလာ/ရမည်းသင်း)ခရိုင်အတွင်း မိတ္ထီလာမြို့နယ်၊ သာစည်မြို့နယ်၊မလှိုင်မြို့နယ်၊ ရမည်းသင်းမြို့နယ်၊ ပျော်ဘွယ်မြို့နယ်များအတွင်းရှိ အသင့်သောက်အမျိုးမျိုး ရောင်းချနေသောဆိုင် (၂၆) ဆိုင်အား ကွင်းဆင်းစစ်ဆေးရာတွင် အသင့်သောက် အချိုရည်အမျိုးမျိုးတွင် ကုန်အညွှန်းအမှတ်အသား ပြည့်စုံစွာဖော်ပြထားကြောင်း စစ်ဆေးတွေ့ရှိရပါသည်။
DOCA(မန္တလေး)