တောင်ငူမြို့၊ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက် )မှာ ၂၀၂၃ခုနှစ်၊ စက်တင်ဘာလ (ပထမပတ်) တွင် အကောင်လိုက်ဈေး တစ်ပိဿာလျှင် ၁၆၀၀၀ကျပ်၊ အသားသီးသန့်တစ်ပိဿာလျှင် ၂၀၀၀၀ကျပ်ရှိခဲ့ရာမှ ယခုအပတ်တွင် အကောင်လိုက်ဈေး တစ်ပိဿာလျှင် ၁၅၀၀၀ကျပ်၊ အခြမ်းလိုက်ဈေး တစ်ပိဿာလျှင် ၁၈၀၀၀ကျပ်၊ စီပီကြက်မှာ ယခင်အပတ်တွင် အကောင်လိုက်ဈေး တစ်ပိဿာလျှင် ၉၀၀၀ကျပ်၊ အခြမ်းလိုက်ဈေး တစ်ပိဿာလျှင် ၁၀၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် အကောင်လိုက်ဈေး တစ်ပိဿာလျှင် ၈၀၀၀ကျပ်၊ အခြမ်းလိုက်ဈေး တစ်ပိဿာလျှင် ၉၀၀၀ကျပ်ဖြစ်၍ ဈေးနှုန်းအနည်းငယ်ကျဆင်းပါသည်။
ဝက်သား(ရေလွတ်သား)မှာ ယခုလလယ်ပိုင်းတွင် သုံးထပ်သားတစ်ပိဿာလျှင် ၁၇၀၀၀ကျပ်၊ ပေါင်သားတစ်ပိဿာလျှင် ၁၈၀၀၀ကျပ်၊ အသားသီးသန့်တစ်ပိဿာလျှင် ၂၀၀၀၀ကျပ်ရှိခဲ့ပြီး ယခုလကုန်ပိုင်းတွင် သုံးထပ်သားတစ်ပိဿာလျှင် ၁၅၀၀၀ကျပ်၊ ပေါင်သား တစ်ပိဿာလျှင် ၁၆၀၀၀ကျပ်၊ အသားသီးသန့်တစ်ပိဿာလျှင် ၂၁၈၀၀၀ကျပ်ဖြစ်၍ ဈေးအနည်းငယ်ကျဆင်းနေပါသည်။
ငါးကြင်းမှာ ယခင်အပတ်တွင် အကောင်လိုက်ဈေး တစ်ပိဿာလျှင် ၈၀၀၀ကျပ်၊ အသားသီးသန့်တစ်ပိဿာလျှင် ၁၀၀၀၀ကျပ်ရှိခဲ့ရာမှ ယခုအပတ်တွင် အကောင်လိုက်ဈေး တစ်ပိဿာလျှင် ၁၀၀၀၀ကျပ်၊ အသားသီးသန့်တစ်ပိဿာလျှင် ၁၄၀၀၀ကျပ်ဖြစ်၍ ဈေးနှုန်း အနည်းငယ်တက်ပြီး ငါးကြင်းဖြူမှာ အကောင်လိုက်ဈေး တစ်ပိဿာလျှင် ၁၇၀၀၀ကျပ်၊ အမြီး လွတ်၊ ခေါင်းလွတ်တစ်ပိဿာလျှင် ၂၀၀၀၀ကျပ်ဖြင့် ဈေးနှုန်းတည်ငြိမ်နေပါသည်။
ငါးရံ့မှာ ယခင်အပတ်တွင် တစ်ပိဿာလျှင် ၁၇၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၂၅၀၀၀ကျပ်၊ ငါးခူမှာ ယခင်အပတ်တွင် တစ်ပိဿာလျှင် ၂၀၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၃၀၀၀၀ကျပ်ဖြင့် ဈေးနှုန်းမြင့်တက်ပါသည်။
ပုစွန်ဆိတ်တစ်ပိဿာလျှင် ၁၂၀၀၀ကျပ်၊ ပုစွန်အသေးမှာ တစ်ပိဿာလျှင် ၂၄၀၀၀ ကျပ်ဖြင့် ဈေးနှုန်းတည်ငြိမ်နေပြီး ပုစွန်အလတ်မှာ ယခင်အပတ်တွင် တစ်ပိဿာလျှင် ၃၀၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၂၇၀၀၀ကျပ်နှင့် ပုစွန်အကြီးမှာ ယခင်အပတ်တွင် တစ်ပိဿာလျှင် ၃၅၀၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၃၀၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ကြောင်းသိရပါသည်။
DOCA(ပဲခူး)