ဧရာဝတီတိုင်းဒေသကြီး၊ ပုသိမ်ခရိုင်အတွင်းရှိ မြို့နယ်များတွင် စားသုံးသူအခွင့်အရေးနှင့် စားသုံးသူအကျိုးစီးပွားကာကွယ်ရေးဆောင်ရွက်ရန်၊ ထုတ်ကုန်လုံခြုံစိတ်ချရမှုရှိစေရေးဆောင်ရွက်ရန်၊ ကုန်စည်နှင့်ဝန်ဆောင်မှုများ၏ အရည်အသွေးစီမံခန့်ခွဲမှုနှင့်သုတေသနလုပ်ငန်းများဆောင်ရွက်ရန်ရည်ရွယ်၍ မြို့နယ်တာဝန်ခံနှင့်အဖွဲ့သည် သာပေါင်းမြို့နယ်၊ အမှတ် (၂) ရပ်ကွက်၊ ကုန်စုံဆိုင်များတွင် ရွေကသစ်သောက်ရေသန့်အား ကုန်အညွှန်းအမှတ်အသား ပြည့်စုံမှု ဖော်ပြထားမှုရှိ/မရှိ (၆.၁၂.၂၀၂၁) ရက်နေ့တွင် ကွင်းဆင်းစစ်ဆေးဆောင်ရွက်ခဲ့ပါသည်။ ထို့နောက် သာပေါင်းမြို့နယ်၊ လှေကြီးတက်ကျေးရွာ၊ သီဟိုဠ်လုပ်ငန်းရှင်အသင်းရုံးတွင် သီဟိုဠ်လုပ်ငန်းရှင်များအား အထွက် နှုန်းကောင်းမွန်စေရေး၊ ဈေးနှုန်းမှန်ကန်စေရေး တွေ့ဆုံဆွေးနွေး ဆောင်ရွက်ခဲ့ပြီးနောက် ကျောင်းကုန်းမြို့နယ်၊ မြို့နယ်အထွေထွေအုပ်ချုပ်ရေးမှူးရုံးတွင် ဆေးဆိုင်ပိုင်ရှင်များနှင့်တွေ့ဆုံ၍ ဈေးနှုန်းမှန်ကန်စေရေး၊ သက်တမ်းလွန်ဆေးဝါးများ ရောင်းချခြင်း မပြုရန် တိုက်တွန်းဆွေးနွေးခဲ့ကြောင်း သတင်းရရှိပါသည်။
စားသုံးသူရေးရာဦးစီးဌာန(ဧရာဝတီတိုင်းဒေသကြီး)