ပြည်ခရိုင်၊ ပြည်မြို့နယ်ရှိ အ.မ.က အင်ကြင်းမြောင်ကျောင်း၌ (၁၈.၈.၂၀၂၃)ရက်နေ့၊ နံနက် (၁၁:၀၀)နာရီတွင် ဆရာ/ဆရာမများနှင့် ကျောင်းသား/ ကျောင်းသူ (၄၁) ဦးအား စားသုံးသူအသိပညာပေး ဆွေးနွေးဟောပြောပွဲများ ဆောင်ရွက်ခဲ့ပါသည်။
ထိုသို့ဟောပြောပွဲတွင် ပြည်မြို့နယ်တာဝန်ခံနှင့်အတူ ပြည်ခရိုင်ရုံးမှ ဝန်ထမ်းများက ပူးတွဲ၍ ဆောင်ရွက်ခဲ့ပါသည်။ ထိုသို့ ကျောင်းသား/ကျောင်းသူများအား စားသုံးသူအသိပညာပေး ဟောပြောခဲ့ရာ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံး၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲမှ အငယ်တန်းစာရေး၊ ဒေါ်အိသပြေခင်က စားသုံးသူရေးရာဦးစီးဌာနမှ ပြဌာန်းထားသည့် စားသုံးသူကာကွယ်ရေးဥပဒေပါ ကုန်စည်၏အဓိပ္ပါယ်၊ ဝန်ဆောင်မှု၏အဓိပ္ပါယ်၊ စားသုံးသူများသိရှိရမည့် အခွင့်အရေးနှင့် လိုက်နာရမည့် တာဝန်များအကြား၊ ကုန်စည်များ ရွေးချယ်ဝယ်ယူရာတွင် သတိပြုရမည့် ကုန်အညွှန်းအမှတ်အသား ဖေါ်ပြချက်ဆိုင်ရာအချက်များစသည့် အကြောင်းအရာများကို မူလတန်းအရွယ်နှင့်လိုက်၍ ဥပမာများအသေးစိတ်ရှင်းလင်းဆွေးနွေး ဟောပြောခဲ့ပါသည်။ ကျောင်းသား/ကျောင်းသူများထဲမှ သိရှိလိုသည့် အကြောင်းအရာများအား မေးမြန်းခဲ့ရာ တစ်ချက်ချင်း ပြန်လည်ဖြေကြားရှင်းလင်းပေးခဲ့ပါသည်။
ထို့နောက် ကျောင်းမုန့်ဈေးတန်းသို့ သွားရောက်၍ ဈေးကွက်စောင့်ကြည့်ခြင်းဆောင်ရွက်ခဲ့ရာ မုန့်ဈေးတန်းရောင်းချသူများအား ကုန်အညွှန်းအမှတ်အသားပြည့်စုံမှုရှိသောမုန့်များအား ရောင်းချရန် ဘေးအန္တရာယ်ဖြစ်စေတတ်သော မုန့်များကိုရောင်းချခြင်းမပြုရန်နှင့် စားသုံးသူအသိပညာပေး လက်ကမ်းစာစောင်များကို ဖြန့်ဝေခဲ့ကြောင်း သိရပါသည်။
DOCA(ပဲခူး)