ပြည်ဈေးကွက်သို့ ဩဂုတ်လမှစ၍ ဩဇာသီးများ စတင်ဝင်ရောက်လျက်ရှိပြီး ယခုအခါ ဩဇာသီးလှိုင်လှိုင်ပေါ်သော စက်တင်ဘာလသို့ ရောက်ရှိလာပြီဖြစ်ပါသည်။ ပြည်မြို့ရှိ ဩဇာသီးများကို ပန်းတောင်းမြို့၊ ပေါက်ခေါင်းမြို့နယ်ဘက်ရှိ ကျေးရွာများနှင့် ပြည်မြို့နယ်အတွင်း ကျေးရွာများဖြစ်သော မှော်ဇာ၊ တောင်လုံးညို ကျေးရွာများမှ အများဆုံး လာရောက်ရောင်းချသည်ကို တွေ့ရှိရပါသည်။ ဩဇာသီးပေါ်ခါစတွင် အကြီးတစ်လုံးလျှင် (၁၀၀၀)ကျပ် ၊ အလတ် တစ်လုံးလျှင် (၆၀၀)ကျပ်နှင့် အသေးတစ်လုံးလျှင် (၃၀၀)ကျပ်ဖြင့် ရောင်းချပြီး ယခုလှိုင်လှိုင်ပေါ်ချိန်တွင် ဩဇာသီးအကြီးတစ်လုံးလျှင် ၈၀၀ကျပ်၊ အလတ်တစ်လုံးလျှင် ၅၀၀ ကျပ်နှင့် အသေး(၁၀၀၀) ကျပ်ဖိုးလျှင် (၃/၄)လုံးအထိ ရောင်းချလျက်ရှိပါသည်။
DOCA(ပဲခူး)