၂၀၂၃ခုနှစ်၊ အောက်တိုဘာလ (ပထမပတ်) တွင် မင်းဘူးမြို့မဈေးအတွင်း၌ရောင်းချလျက်ရှိသော ရေထွက်ကုန်ပစ္စည်းများမှာ ငါးကြင်းဖြူ(၁)ပိဿာလျှင် ကျပ်(၁၆၀၀၀-၁၇၀၀၀)၊ ငါးပုတ်သင် (၁)ပိဿာလျှင် ကျပ်(၁၃၀၀၀-၁၅၀၀၀)၊ ငါးသေတ္တာခြောက်(၁)ပိဿာလျှင် ကျပ်(၁၁၀၀၀-၁၂၀၀၀)၊ ငါးဖယ်ဝိုင်(၁)ပိဿာလျှင် ကျပ်(၁၃၀၀၀-၁၅၀၀၀)၊ ငါးရံလုံး(၁)ပိဿာလျှင် ကျပ်(၃၂၀၀၀-၃၅၀၀၀)၊ ငါးရံပြား(၁)ပိဿာလျှင် ကျပ်(၄၀၀၀၀-၅၅၀၀၀)၊ ငါးနီတူးခြောက်(၁)ပိဿာလျှင် ကျပ်(၁၂၀၀၀-၁၄၀၀၀)၊ ပုစွန်ပွ(၁)ပိဿာလျှင် ကျပ်(၁၁၀၀၀-၁၂၀၀၀)၊ အာဗြဲခြောက်(၁)ပိဿာလျှင် ကျပ်(၁၅၀၀၀ -၂၀၀၀၀)၊ ငါးတံခွန်ခြောက်(၁)ပိဿာလျှင် ကျပ်(၁၂၀၀၀-၁၇၀၀၀)၊ ငါးမဲလုံး(၁)ပိဿာလျှင် ကျပ် (၁၄၀၀၀-၁၆၀၀၀)၊ ပုစွန်ခြောက်(၁)ပိဿာလျှင် ကျပ်(၆၅၀၀၀-၈၅၀၀၀)ထိဖြစ်ကြောင်း၊ ပုစွန်ခြောက် သည် ဆားအပေါ့/ အငန်ပေါ်မှုတည်၍ ဈေးနှုန်းကွာခြားရခြင်းဖြစ်ကြောင်းသိရသည်။
ပုစွန်ခြောက်များကို ရခိုင်ပြည်နယ်မှဝယ်ယူ၍ ငါးခြောက်များကိုမူ ရန်ကုန်၊ ဘုရင့်နောင်ပွဲရုံနှင့် ရခိုင်ပြည်နယ်တို့မှလည်းကောင်း ဝယ်ယူရောင်းချလျက်ရှိကြောင်း၊ မင်းဘူး-စကုမြို့နယ်များရှိ ငါးခြောက်နှင့် ပုစွန်ခြောက်များကို ကျေးရွာများနှင့် ပွင့်ဖြူ၊ စလင်း၊ ဆင်ဖြူကျွန်မြို့များသို့ ပြန်လည်ရောင်းချကြောင်း ကွင်းဆင်းမေးမြန်းမှုအရသိရပါသည်။
DOCA(မကွေး)