ပြည်ခရိုင်၊ ပြည်မြို့ရှိစည်ပင်သာယာဈေးကြီးနှင့် ရပ်ကွက်ဈေးတို့တွင် ကန်စွန်းဥများရောင်းချလျက်ရှိပါသည်။ ဈေးကွက်တွင်ရောင်းချနေသော ကန်စွန်းဥအမျိုးအစားမှာ မြန်မာကန်စွန်းဥ၊ ရွှေကန်စွန်းဥနှင့် ငချိတ်ကန်စွန်းဟူ၍ အမျိုးအစား(၃)မျိုးရှိပါသည်။ ၂၀၂၃ခုနှစ်၊ အောက်တိုဘာလ ဒုတိယအပတ်တွင် ဈေးကွက်အတွင်းရောင်းချနေသော ကန်စွန်းဥဈေးများမှာ မြန်မာကန်စွန်းဥတစ်ပိဿာလျှင် ၃၂၀၀ကျပ်၊ ရွှေကန်စွန်းဥတစ်ပိဿာလျှင် ၃၅၀၀ကျပ်၊ ငချိတ်ကန်စွန်းဥတစ်ပိဿာလျှင် ၃၅၀၀ကျပ်ဖြင့် ရောင်းချလျက်ရှိပါသည်။ ရွှေကန်စွန်းဥနှင့် ငချိတ်ကန်စွန်းဥမှာ မြန်မာကန်စွန်းဥထက် အရသာအနည်းငယ်ပိုရှိသည့်အတွက် အရောင်းအဝယ်ပိုဖြစ်ကြောင်းသိရပါသည်။
DOCA(ပဲခူး)