မန္တလေး-မူဆယ်ကုန်စည်ပို့ဆောင်ခအနည်းငယ်တက်

   မန္တလေးမြို့မှအခြားမြို့များသို့ ကုန်စည်သယ်ယူပို့ဆောင်ခနှုန်းထားများအား စက်တင်ဘာလနှင့် အောက်တိုဘာလဒုတိယပတ် ကားသယ်ခနှုန်းထားများနှိုင်းယှဉ်ပါက ကုန်ရရှိမှုအပေါ်မူတည်၍ အနည်းငယ် ပြောင်းလဲမှုရှိကြောင်း သိရသည်။ မန္တလေး-မူဆယ်ကားသယ်ခနှုန်းထားများအနေဖြင့် ကုန်ကျစ် တစ်ပိဿာလျှင် ၈၆ ကျပ်၊    ကုန်ပွ တစ်ပိဿာလျှင် ၉၅ ကျပ်နှုန်းဖြစ်ပြီး၊  အပြန်ကားခမှာ တစ်ပိဿာလျှင် ၁၀၀ကျပ်နှုန်းဖြစ်ကြောင်းသိရသည်။ စက်တင်ဘာလကားသယ်ခအနေဖြင့် ကုန်ကျစ်  ၈၅ ကျပ်၊ကုန်ပွ ၉၅ ကျပ်နှင့် အပြန်ကားခ ၁၃၀ကျပ်ဖြစ်သည့်အတွက် နှိုင်းယှဉ်ပါကတစ်ပိဿာလျှင် အတက်ကုန် ၁ ကျပ်နှုန်းနှင့်အဆင်းကုန် ၂၀ ကျပ်နှုန်းအနည်းငယ်စျေးတက်မှုရှိကြောင်း သိရသည်။ အောက်တိုဘာလဒုတိယပတ်အတွင်း ကုန်ရရှိမှုနည်းသည့်အတွက် ကားခအနည်းငယ်ပြောင်းလဲမှု ရှိကြောင်း ကုန်စည်ပို့ဆောင်ရေးဝန်ဆောင်မှုလုပ်ငန်းရှင်များအသင်းမှ သိရှိရသည်။ အလုပ်သမားခ အနေဖြင့် ကားတင်ခကုန်ကျစ်(ဆန် ၅၀ ကီလို/ ၃၀ ပိဿာ)လျှင်  ၈၀ ကျပ်၊ နို့ဆီဖာ တစ်ဖာလျှင် ၄၀ ကျပ်နှင့် ကားချခ(ကမာဆီထပ်ခအပါအဝင်) ၉၀ ကျပ်နှုန်းဖြစ်ကြောင်း သိရသည်။ အလုပ်သမားခမှာ ပုတ်ပြတ်ငှားရမ်းပါက ကုန်အပေါ်မူတည်၍တစ်ဦးလျှင် ၈၀၀၀ကျပ်နှင့်၁၀၀၀၀ကျပ်အကြား ပေးချေမှု ရှိကြောင်း သိရသည်။မန္တလေးတိုင်းဒေသကြီး၊အုန်းချောကျေးရွာ၊ ၁၆ မိုင်ကျောက်ချော စစ်ဆေးရေး ဂိတ်ဖြတ်ယာဉ်စာရင်းများအရ  နေ့စဉ်ကုန်စည်တင်သည့်ယာဉ်အတက်/အဆင်းပေါင်း (၇၀၀) စီးနှင့် (၈၀၀) စီးကြား ဖြတ်သန်းကြောင်း သိရသည်။   

  ၂၀၂၃ခုနှစ်စက်တင်ဘာလနှင့် အောက်တိုဘာလဒုတိယပတ်အတွင်း ကားတင်ခနှုန်းထားများ အနည်းငယ်မြှင့်တက်မှုအခြေအနေအား မန္တလေးတိုင်းဒေသကြီးကုန်စည်ပို့ဆောင်ရေး ဝန်ဆောင်မှု လုပ်ငန်းရှင်များအသင်းရုံးမှ ပေးပို့သည့် အချက်အလက်များအရ    ကုန်စည်ယာဉ်သယ်ယူခနှုန်းများအား  အောက်ပါဇယားဖြင့် နှိုင်းယှဉ် ဖော်ပြအပ်ပါသည် -

DOCA(မန္တလေး)