၂၀၂၃ခုနှစ် အောက်တိုဘာလ ၁၆ရက်နေ့တွင် ဧရာဝတီတိုင်းဒေသကြီး၊ မအူပင် ခရိုင်/မြို့များတွင် အခြေခံစားသောက်ကုန်များဖြစ်သည့် စားအုန်းဆီနှင့် ကြက်ဥများအား စားသုံးသူလက်ဝယ်အရောက် ရောင်းချပေးလျက်ရှိရာ မအူပင်တက္ကသိုလ်နှင့် နည်းပညာတက္ကသိုလ်များရှိ ဆရာ/ဆရာမများ၊ ဝန်ထမ်းများအား သွားရောက်၍ ဆီကုန်သည်နှင့် ဆီလုပ်ငန်းရှင်များအသင်း၊ စားသုံးသူရေးရာဦးစီးဌာနနှင့် ခရိုင်အထွေထွေအုပ်ချုပ်ရေးဦးစီးဌာနမှ သက်ဆိုင်ရာတာဝန်ရှိသူများ ပူးပေါင်း၍ ရောင်းချပေးခဲ့သည်။
အဆိုပါရောင်းချမှုတွင် စားသုံးသူရေးရာဦးစီးဌာနမှ ဦးစီးအရာရှိ ဦးအောင်ဇော်ဦးနှင့် တာဝန်ရှိသူများက ကြည့်ရှုစစ်ဆေးခဲ့ကြပြီး ရပ်ကွက်ကျေးရွာနှင့် ဌာနဆိုင်ရာဝန်ထမ်းများကို လှည့်လည်ရောင်းချပေးခဲ့ကြပါသည်။
ထိုသို့ရောင်းချရာတွင် မအူပင်ခရိုင် ဆီကုန်သည်နှင့် ဆီလုပ်ငန်းရှင်များအသင်းမှ စားအုန်းဆီ ၁ပိဿာလျှင် (၄၈၀၀/-)ကျပ်နှုန်းဖြင့် ပိဿာချိန် (၅၅၀)ပိဿာ၊ ကြက်ဥတစ်လုံးလျှင်(၂၂၀/-)ကျပ်နှုန်းဖြင့် ကြက်ဥအလုံးရေ (၅၀၀)အား သက်သာသောဈေးနှုန်းများ စားသုံးသူလက်ဝယ်အရောက် ရောင်းချပေးခဲ့ပါသည်။
DOCA(ဧရာဝတီ)