![](http://www.doca.gov.mm/sites/default/files/styles/consumer_inner_image__847x424_/public/၆၅_1.jpg?itok=y96aJObJ)
ပဲခူတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့၊ ဘုရင့်နောင်ဈေးအနီးတွင် ကိုယ်တိုင်စိုက်ပျိုးမွေးမြူထုတ်လုပ်သူများတိုက်ရိုက်အရောင်းဈေးဖွင့်လှစ်၍ ဆန်၊ အသားငါးနှင့် ဟင်းသီးဟင်းရွက်တို့ကို သင့်တင့်သောဈေးနှုန်းဖြင့် ရောင်းချပေးလျက်ရှိရာ မည်သူမဆို လွတ်လပ်စွာလာရောက်ဝယ်ယူနိုင်ပါသည်။
၂၀၂၃ခုနှစ်၊ အောက်တိုဘာလ ၁၇ရက်နေ့တွင် မွေးမြူရေးထုတ်ကုန်လုပ်ငန်းရှင်များက ကြက်သားတစ်ပိဿာလျှင် ၉၀၀၀ကျပ်၊ ဝက်သားတစ်ပိဿာလျှင် ၁၃၀၀၀ကျပ်ဖြင့် ရောင်းချပေးလျက်ရှိပါသည်။
တစ်နိုင်တစ်ပိုင်စိုက်ပျိုးသူများက သစ်သီးဝလံနှင့်ဟင်းသီးဟင်းရွက်များရောင်းချပေးလျက်ရှိရာ ဖရုံသီးတစ်လုံးလျှင် ၈၀၀ကျပ်၊ ဘူးသီးတစ်လုံးလျှင် ၁၀၀၀ကျပ်၊ ဂေါ်ရခါးသီးတစ်လုံးလျှင် ၂၀၀ကျပ်၊ သခွားသီးတစ်ပိဿာလျှင် ၈၀၀ကျပ်၊ ကြက်ဟင်းခါးသီးတစ်ပိဿာလျှင် ၈၀၀ကျပ်၊ ခရမ်းချဉ်သီးတစ်ပိဿာလျှင် ၁၅၀၀ကျပ်၊ ဂေါ်ဖီတစ်ပိဿာလျှင် ၅၀၀ကျပ်၊ ငရုတ်သီးစိမ်း တစ်ပိဿာလျှင် ၄၀၀၀ကျပ်ဖြင့်ရောင်းချပေးလျက်ရှိပါသည်။
ထို့အတူ ရုံးပတီသီး၊ ပဲသီး၊ ဂေါ်ရခါးညွန့်၊ သပွတ်ညွန့်၊ နံနံပင်၊ ကန်စွန်းရွက်၊ ကင်မွန်း ချဉ်ရွက် စသည့်ဟင်းသီးဟင်းရွက်များကိုလည်းရောင်းချပေးလျက်ရှိရာ စိုက်ခင်းများမှ တိုက်ရိုက် လာရောက်ရောင်းချခြင်းဖြစ်သဖြင့် လတ်ဆတ်သည့်အပြင် ဈေးနှုန်းလည်းချိုသာသဖြင့် ဝယ်ယူအားပေးလျက်ရှိကြောင်းနှင့် တိုက်ရိုက်အရောင်းဈေးသို့ သက်ဆိုင်ရာဌာနဆိုင်ရာများကကြီးကြပ်၍ လိုအပ်သည်များ ကူညီဆောင်ရွက်ပေးကြောင်းသိရပါသည်။
DOCA(ပဲခူး)