တောင်ငူမြို့ရှိ စားသုံးသူပြည်သူများ ရွှေဘိုပေါ်ဆန်းဆန်စစ်စစ်ကို ဈေးနှုံးချိုသာစွာဖြင့် လွယ်လင့်တကူ ဝယ်ယူစားသုံးနိုင်ရန် ရည်ရွယ်ချက်ဖြင့် တောင်ငူမြို့၊ အမှတ် ၁၁ ရပ်ကွက်၊ ကန်ပတ်လမ်းရှိ မိဘမေတ္တာဆန်စက်တွင် ရွှေဘိုမြို့နယ်မှ ပေါ်ဆန်းစပါးများကို တင်းတစ်ရာလျှင် ကျပ် တစ်ဆယ့်ငါးသိန်းဖြင့် တိုက်ရိုက်ဝယ်ယူ၍ တောင်ငူမြို့သို့ သယ်ဆောင်ပြီး ၎င်းတို့၏ ခေတ်မီဆန်စက်ဖြင့် ၁၀၀% ဆန်သားကြိတ်ခွဲ၍ PK အမှတ်တံဆိပ်ဖြင့် အလေးချိန် ၂ ကီလို ဂရမ်၊ ၆ ကီလိုဂရမ်နှင့် ၁၂ ကီလိုဂရမ် အလေးချိန် သုံးမျိုးဖြင့် ထုပ်ပိုးကာ တောင်ငူမြို့ရှိ Icon Shopping Center တွင် ရောင်းချလျှက်ရှိပါသည်။
လက်ရှိအချိန်တွင် စပါးတင်း ၁၀၀ လျှင် ကျပ် ၁၅ သိန်းဖြင့် ဝယ်ယူရသော စပါးများမှာ စပါး အဟောင်းများဖြစ်သဖြင့် ဆန်ဈေးနှုန်းကို ၂ ကီလိုဂရမ် တစ်အိတ်လျှင် ၂၇၀၀ ကျပ်၊ ၆ ကီလိုဂရမ် တစ်အိတ်လျှင် ၈၁၀၀ ကျပ်၊ ၁၂ ကီလိုဂရမ် တစ်အိတ်လျှင် ၁၆၂၀၀ ကျပ်ဖြင့် ရောင်းချပါသည်။ ၂၀၂၂ ခုနှစ်၊ ဇန်နဝါရီလတွင် ရွှေဘိုပေါ်ဆန်း စပါးသစ်ပေါ်မည်ဖြစ်ပြီး တင်း ၁၀၀ လျှင် ကျပ် ၁၁ သိန်းခန့်ရှိမည်ဟုခန့်မှန်းရပြီး ထိုအချိန်တွင် လက်ရှိ ရောင်းဈေးထက် လျော့နည်းပြီး ၂ ကီလိုဂရမ် တစ်အိတ်လျှင် ၂၃၀၀ ကျပ်မှ ၂၄၀၀ ကျပ်၊ ၆ ကီလိုဂရမ် တစ်အိတ်လျှင် ၆၉၀၀ ကျပ်၊ ၁၂ ကီလိုဂရမ် တစ်အိတ်လျှင် ၁၃၈၀၀ ကျပ်ဖြင့် ရောင်းချ နိုင်မည်ဖြစ်ကြောင်း၊ စပါးတင်း ၁၀၀ ဝယ်ယူကြိတ်ခွဲလျှင် အမြတ် ၄၀၀၀၀ ကျပ်ခန့် ရရှိကြောင်း၊ ပဲခူးမြို့ရှိ Icon Shopping Center တွင် တင်ပို့ရောင်းချနိုင်ရေးကို ညှိနှိုင်းထားပြီးဖြစ်ပါကြောင်း PK ပေါ်ဆန်းဆန်ထုတ်လုပ်သူ ဦးဖြိုးကိုကိုဝင်းမှ ပြောကြားခဲ့ပါကြောင်း သတင်းရရှိပါသည်။
ပဲခူးတိုင်းဒေသကြီး
စားသုံးသူရေးရာဦးစီးဌာန