![](http://www.doca.gov.mm/sites/default/files/styles/consumer_inner_image__847x424_/public/padaung.jpg?itok=-nI9qquv)
ပဲခူးတိုင်းဒေသကြီး၊ ပြည်ခရိုင်တွင် မိုးစပါးစိုက်ဧကမှာ (၃၈၂၆၀၉) စိုက်ပျိုးနိုင်ခဲ့ပြီး ယခု အချိန်ထိ (၂၄၁၅၁၃)ဧက ရိတ်သိမ်း၍ အထွက်နှုန်းအနေဖြင့် တစ်ဧကလျှင်ပျမ်းမျှ (၇၀)တင်း ခန့်ထွက် ရှိပါသည်။ ပန်းတောင်းမြို့နယ်အနေဖြင့် (၄၆၉၃၁)ဧကစိုက်ပျိုး၍ (၃၇၁၂၄)ဧက စိုက်ပျိုးရိတ်သိမ် ပြီးဖြစ်၍ ပန်းတောင်းမြို့နယ်တာဝန်ခံနှင့်အဖွဲ့သည် (၁၀.၁၂.၂၀၂၁)ရက်နေ့တွင် ဒေါင်းမြတ်နားအုပ်စု၊ ဒေါင်းမြတ်နားကျေးရွာရှိ တောင်သူ ဦးခင်မောင်ဌေး၏ မိုးစပါး ခြွေလှေ့ခြင်း လုပ်ငန်းသို့ သွားရောက် ကွင်းဆင်းလေ့လာခဲ့ပါသည်။
ထိုသို့ကွင်းဆင်းလေ့လာရာတွင် ဦးခင်မောင်ဌေး၏ မိုးစပါးစိုက်ဧက (၁၀)တွင် စိုက်ပျိုးသော စပါးမျိုးမှာ ကျောက်ရွေးစပါးမျိုးဖြစ်၍ စိုက်ပျိုးစနစ်မှာ ကြဲခင်းစနစ်ဖြစ်ပြီး တစ်ဧကလျှင် တင်း(၇၀) ခန့်ထွက်ရှိပါသည်။ စပါးစျေးမှာ ကွင်းပေါက်စျေး (၄၆)ပေါင် တင်း ၁၀၀လျှင် ၆၁၀၀၀၀ ကျပ်ဖြင့် ကွင်းထဲတွင်ရောင်းချလျှက်ရှိပါသည်။ စက်အရောက်စျေးမှာ (၄၆)ပေါင် တင်း(၁၀၀)လျှင် ၆၃၀၀၀၀ ကျပ်ဖြင့် အရောင်းအဝယ်ဖြစ်လျှက်ရှိပါသည်။ ယခင်နှစ်စပါးစျေးမှာ စက်အရောက်စပါး တင်း(၁၀၀) လျှင် ၅၈၀၀၀၀ကျပ်ဖြင့် အရောင်းဝယ်ဖြစ်ခဲ့ပါသည်။ ယခုနှစ်အနေဖြင့် သွင်းအားစုဖြစ်သည့် ဓါတ်မြေသြဇာစျေးနှုန်းများ မြင့်မားလာခြင်း၊ စက်သုံးဆီဖြစ်သော ဒီဇယ်ဆီ၊ ဓါတ်ဆီစျေးများ မြင့်တက်လာ၍ စပါးရိတ်သိမ်းခြွေလှေ့ခများ ကြီးမြင့်လာခြင်း၊ စိုက်ပျိုးစရိတ်များ ပိုမိုကုန်ကျခြင်း တို့ရှိခဲ့သော်လည်း စပါးစျေးများယခင်နှစ်ထက်ပိုမိုရရှိသည့်အတွက် အကျိုးအမြတ်ထိုက်သင့်စွာ ရရှိ ကြောင်းသိရှိရပါသည်။ တောင်သူများအနေဖြင့် စပါးစျေးကောင်းမွန်သကဲ့သို့ သွင်းအား စုစျေးနှုန်း များနှင့် ထွန်ယက်ရိတ်သိမ်းခများ စျေးနှုန်းသက်သာစွာဖြင့် ရရှိနိုင်ရေးမျှော်လင့်လျှက်ရှိကြောင်း သတင်းရရှိပါသည်။
စားသုံးသူရေးရာဦးစီးဌာန
ပဲခူးတိုင်းဒေသကြီး