![](http://www.doca.gov.mm/sites/default/files/styles/consumer_inner_image__847x424_/public/ဧရာ01.jpg?itok=ePLZP7pt)
စားသုံးသူရေးရာဦးစီးဌာန၊ ညောင်တုန်းမြို့နယ်၊ ဦးစီးမှူး ဦးအောင်လွင်နှင့် ဝန်ထမ်းများ သည် (၁၇.၁.၂၀၂၂)နေ့ နံနက် (၁၀:၀၀)နာရီတွင် ညောင်တုန်းမြို့နယ်ရှိ ဆန်စပါးဝယ်ယူကြိတ်ခွဲ ရောင်းချနေသော ရွှေဝါနဒီဆန်စက်၊ စုပေါင်းလယ်ယာဆန်စက်နှင့် အောင်နိုင်သစ္စာဆန်စက်များသို့ ကွင်းဆင်းလေ့လာ ဆောင်ရွက်ခဲ့ပါသည်။
အဆိုပါကွင်းဆင်းလေ့လာမှုအရ ညောင်တုန်းမြို့နယ်သည် စိုက်ပျိုးရေးကဏ္ဍ၊ သားငါးကဏ္ဍ၊ မွေးမြူရေးကဏ္ဍများအနက် စိုက်ပျိုးရေးကဏ္ဍ၏ စိုက်ပျိုးထုတ်လုပ်မှုမှာ အများဆုံးဒေသဖြစ်ပြီး စပါးအရည်အသွေးအလိုက် မနောသုခ၊ နှံကား၊ ဆင်းသုခစပါးများကို စပါးတင်း(၁၀၀)လျှင် (၇၀၀၀၀၀)ကျပ်နှင့်အထက် ဈေးကောင်းပေးဝယ်ယူ၍ ပြည်ပဈေးကွက်သို့ ပင်လယ်ရေကြောင်းမှလည်ကောင်း၊ နယ်စပ်ကုန်သွယ်ရေးဂိတ်မှလည်းကောင်း တင်ပို့ရောင်းချလျက်ရှိပါသည်။
ပင်လယ်ရေကြောင်းတင်ပို့မှုတွင် ရန်ကုန်ဆိပ်ကမ်းသို့ နိုင်ငံခြားသင်္ဘောဆိုက်ကပ်ချိန်တွင် ညောင်တုန်းဆန်စက်များမှ နေ့စဉ် ကွန်တိန်နာ (၁၅)လုံးမှ (၂၀)လုံးထိ တင်ပို့ရကြောင်း ရွှေဝါနဒီ ဆန်စက်မန်နေဂျာ ဦးအောင်ကျော်ညွှန့်၏ ပြောကြားချက်အရ သိရှိရကြောင်း သတင်းရရှိပါသည်။
စားသုံးသူရေးရာဦးစီးဌာန
ဧရာဝတီတိုင်းဒေသကြီး