တရုတ်နိုင်ငံဗဟိုဘဏ်၏ မူဝါဒရေးရာအကြံပေးပုဂ္ဂိုလ် ဝမ်ယီမင်း က တရုတ်နိုင်ငံ၏ စီးပွားရေးသည် ၂၀၂၄ ခုနှစ်တွင် ၅% တိုးတက်လာနိုင်ကြောင်း ဒီဇင်ဘာလ ၁၉ ရက်နေ့က ပြောကြားခဲ့ပါသည်။
ရင်းနှီးမြှုပ်နှ့မှုကဏ္ဍတွင် ၄ မှ ၅ ရာခိုင်းနှုန်း ဝယ်ယူသုံးစွဲမှုကဏ္ဍတွင် ၆ မှ ၇ ရာခိုင်နှုန်းနှင့် ပို့ကုန်ကဏ္ဍတို့ပြန်လည်တိုးတက်လာပါက တရုတ်နိုင်ငံ၏ စီးပွားရေး ၅ ရာခိုင်နှုန်းတိုးတက်လာမည်ဖြစ်ကြောင်း ဝမ်ယီမင်း က ဘေဂျင်း၌ ကျင်းပခဲ့သည့် စီးပွားရေးဖိုရမ်တွင် ပြောကြားခဲ့ပါသည်။ တရုတ်နိုင်ငံသည် အစိုးရ၏ အကြွေးဝန်ထုပ်ဝန်ပိုးမှာ အတော်နည်းပါးနေပြီး စားသုံးကုန်ဈေးနှုန်းမှာလည်း နည်းပါးသည့်အတွက် စီးပွားရေး တိုးတက်ရန်အတွက် ပံ့ပိုးပေးရန် အခွင့်အလမ်းရှိနေသည်။
တရုတ်နိုင်ငံ၏ Federal Reserve အနေဖြင့်လည်း အတိုးနှုန်းမြှင့်တက်နေမှုကို ရပ်တန့်နိုင်စွမ်းရှိနေပြီး ဒီဇင်ဘာလ ၁၁ ရက်နေ့နှင့် ၁၂ ရက်နေ့၌ကျင်းပခဲ့သော နှစ်စဉ်ဗဟိုစီးပွားရေးအလုပ်ရုံဆွေးနွေးပွဲ၌ တရုတ်နိုင်ငံခေါင်းဆောင်များက ၂၀၂၄ ခုနှစ်တွင် စီးပွားရေးအင်အားကောင်းမွန်လာစေရန်အတွက် မူဝါဒများကို ပြင်ဆင်ညှိနှိုင်းပေးမည်ဖြစ် ကြောင်း ကတိကဝတ်ပြုခဲ့ကြပါသည်။
ယခုနှစ်တွင်လည်း တရုတ်နိုင်ငံ၏ စီးပွားရေးဖွံ့ဖြိုးတိုးတက်မှုသည် အစိုးရ၏ မျှော်မှန်းချက်ဖြစ်သော ၅ ရာခိုင်နှုန်းပတ်လည်ကို ပြည့်မီမည်ဟု မျှော်လင့်ရကြောင်း သိရှိရပါ သည်။
Source – Channel NewsAsia
DOCA(ရန်ကုန်)