ယခင်အပတ်ထက် အဝင်များပြီး ဈေးအနည်းငယ်မြင့်တက်လာသည့် ရွှေဘိုနှမ်း

   စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ်တင်ပြလျက်ရာ ဇန်နဝါရီလ၊ ဒုတိယပတ်အတွင်း အရောင်းအဝယ်ဖြစ်သည့် သီးနှံနှင့် ဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့် ဆက်သွယ် မေးမြန်းခဲ့ပါသည်။ နှမ်း(ဖြူ၊ နက်)များမှာ နိုဝင်ဘာလ၊ တတိယပတ်မှစတင်၍ ရွှေဘိုဈေးကွက်သို့ စတင် ဝင်ရောက်ခဲ့ပြီး ဇန်နဝါရီလ၊ ဒုတိယပတ်ထိ ဝင်ရောက်လျက်ရှိကြောင်း၊ ယခုဇန်နဝါရီလ ဒုတိယအပတ်တွင် အရောင်းအဝယ်ဖြစ်သည့် ဈေးနှုန်းများမှာ နှမ်းဖြူတစ်တင်းလျှင်(၁၁၆၅၀ဝိ/-)ကျပ် ပေါက်ဈေးရှိပြီး တစ်ပတ်အတွင်း အရောင်းအဝယ်ဖြစ်မှုမှာ (၃၆၀၀)တင်း/(၈၈)တန်ဖြစ်ကြောင်း၊ နှမ်းနက် တစ်တင်းလျှင် (၁၁၈၃၀ဝိ/-)ကျပ် ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၆၃၀၀)တင်း/ (၁၅၄)တန် ဖြစ်ကြောင်း၊ ယခင်ဇန်နဝါရီလပထမအပတ်နှင့် ယခုဇန်နဝါရီလဒုတိယအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ နှမ်းဖြူတစ်တင်းလျှင် (၁၀၆၀၀ဝိ/-) ကျပ် ပေါက်ဈေးရှိပြီး နှမ်းနက်တစ်တင်းလျှင် (၁၁၃၀၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် နှမ်းဖြူတစ်တင်းလျှင် (၁၀၅၀ဝိ/-)ကျပ်နှင့် နှမ်းနက်တစ်တင်းလျှင်(၅၃၀ဝိ/-)ကျပ် ဈေးပိုခဲ့သည့်အပြင် ယခင်အပတ်ထက် အဝင်များပြီး ဝင်ရောက်သမျှ အရောင်းအဝယ်ဖြစ်ကြောင်း သတင်းရရှိပါသည်။

DOCA(စစ်ကိုင်း)