မြန်မာနိုင်ငံတွင် ဒေသမရွေး စိုက်ပျိုးကြပါသည်။ မြန်မာနိုင်ငံတွင် ဂေါ်ဖီထုတ်ကဲ့သို့ အထုတ်မျိုးနှင့် ရွက်ပြန့်မျိုးဟူ၍ နှစ်မျိုးစိုက်ပျိုးကြပါသည်။ အရွက်အရောင်မှာ အစိမ်းနှင့် အနီရောင် (၂)မျိုး ရှိပါသည်။
ဆလပ်ကို မြေအမျိုးမျိုးတွင် စိုက်ပျိုးရပါသည်။ ဆလပ်ရွက်စိုက်ပျိုးသည့် မြေသည် အစိုဓါတ် ထိန်းသိမ်းနိုင်ပြီး ရေမဝပ်စေသောနေရာတွင် ပိုမိုဖြစ်ထွန်းပါသည်။ အရွက်အရသာမှာ ခါးသက်သက် ဖြစ်ပါသည်။ဆလပ်ရွက်ကို ပျိုးထောင်စိုက်ပျိုးခြင်းနှင့် တိုက်ရိုက်စိုက်ပျိုးခြင်း (၂)မျိုးရှိပါသည်။
ဆလပ်ရွက်သည် ယခုအချိန်တွင် ရာသီပေါ်စာဖြစ်သည့်အတွက် ယခုအချိန်တွင် ပြည်ဒေသ အနီးတစ်ဝိုက်နှင့် ရွှေတောင်မြို့နယ်ဒေသအတွင်းရှိ ကျေးရွာများတွင် စိုက်ပျိုးပြီးထွက်ပေါ်လာသော ဆလပ်ပင်များအား မြို့မစည်ပင်သာယာဈေးအတွင်း ရောင်းချရာတွင် ဆလပ်အထုတ် (၁)ပင်လျှင် (၃၀၀)ကျပ်နှုန်းဖြင့် ရောင်းချကြောင်း သိရှိရပါသည်။
DOCA(ပဲခူး)