ယခုကာလတွင် ပြည်ဈေးကွက်အတွင်း ဆောင်းသီးနှံအဖြစ်စိုက်ပျိုးလျက်ရှိသော ကုလားပဲသီးနှံမှ ကုလားပဲညွန့်များထွက်ပေါ်လျက်ရှိပြီး ပြည်မြို့ဈေးကွက်များသို့ ဝင်ရောက်လျှက်ရှိပါသည်။ အဓိကဝင်ရောက်လျက်ရှိသည့် နေရာများမှာ ချောင်းနားတန်း၊ ရွှေဘုံသာ၊ တက်သစ်ကျွန်းရွာများနှင့် ရွှေတောင်မြို့အနီးတဝိုက်ရှိ ကျေးရွာများမှဝင်ရောက်မှုရှိကြောင်း သိရပါသည်။ တစ်ပတ်လျှင် နှစ်ကြိမ်ခန့်ဝင်ရောက်လျက်ရှိပြီး ပြည်မြို့ဈေးကွက်များသို့ ပိဿာ(၃၀)ခန့်အဝင်ရှိပါသည်။
ကုလားပဲညွန့်ကို ပုစွန်ခြောက်၊ ကြက်ဥတို့နှင့်ကြော်၍လည်းကောင်း၊ ကြော်ချက်၊ ဟင်းချိုချက်၍လည်းကောင်း ပြုတ်၍သုပ်စားခြင်း စသဖြင့် စားသုံးကြပါသည်။ ဈေးကွက်အတွင်း ရောင်းချသော ကုလားပဲညွန့်ဈေးမှာ တစ်ဆယ်ကျပ်သားလျှင် ၃၅၀-၄၀၀ကျပ်ဖြင့် ရောင်းချလျက်ရှိကြောင်း သိရပါသည်။ ယခုအချိန်ဖြစ်သော ပြာသိုလတွင်ဈေးကောင်းရ၍ လာမည့်လဖြစ်သော တပို့တွဲလတွင် လှိုင်လှိုင်ထွက်ပေါ်လာပြီးဈေးကျမည်ဖြစ်သဖြင့် ယခုအချိန်ကာလ ကုလားပဲညွန့် ရှားပါးချိန်တွင် တောင်သူများဝင်ငွေကောင်းလျက်ရှိကြောင်း သိရှိရပါသည်။
DOCA(ပဲခူး)