![](http://www.doca.gov.mm/sites/default/files/styles/consumer_inner_image__847x424_/public/ကြက်သွန်.jpg?itok=1OcO3Ajb)
ပြည်ဈေးကွက်သို့ ယခုဇန်နဝါရီလ နောက်ဆုံးပတ်တွင် ကြက်သွန်နီ အဓိကစိုက်ပျိုးရာ မကွေးတိုင်း တောင်တွင်း၊ ဗိဿနိုး၊ စစ်တလင်း၊ ဆိပ်ဖြူ၊ ရေနံချောင်း စတဲ့နယ်များမှ အထွက်များ စုံနေသည့်အတွက် အမျိုးအစားစုံစွာဝင်ရောက်မှုရှိနေပါသည်။ ပြည်ဈေးကွက်သို့ ပိဿာချိန် နှစ်သောင်းခန့်ရက်ခြားအဝင်ရှိနေပြီး ဝင်ရောက်လာသော အမျိုးအစားအနက် ဆိပ်ဖြူနှင့် ရေနံချောင်း ကြက်သွန်နီတို့မှာ အရည်အသွေးကောင်းသဖြင့် ဈေးနှုန်းမှာအမြင့် တစ်ပိဿာလျင် ကျပ် (၂၇၀၀-၂၈၀၀) ထိရရှိကြောင်း သိရပါသည်။ အရောင်းအဝယ်မှာ စားဖိုဆောင်သီးနှံများအနက် ကြက်သွန်နီမှာ ပစ္စည်းရော ဈေးနှုန်းပါချိုသာပေါများနေသည့်အတွက် အဝယ်လိုက်နေပြီး ဒေသတွင်း အိတ်ဆွဲ ဝယ်ရောင်းသမားများ၊ ပုံမှန်လက်လီဝယ်လက်များနှင့် ပန်းတောင်း(ဥသျှစ်ပင်)၊ သာယာဝတီခရိုင်နှင့် ဧရာဝတီ(ကြံခင်း)တို့သို့ နယ်ကျော်စီးဆင်းမှုများနှင့် အရောင်းအဝယ်ဖြစ်နေ ပါသည်။ ပြည်ပွဲရုံများနှင့် လက်လီဈေးများရှိ ဈေးနှုန်းမှာ ပွဲရုံလက်ကားဈေး တစ်ပိဿာလျှင် ကြီး/ လတ်/ သေး ကျပ် (၂၃၀၀/၂၂၀၀-၂၁၀၀/၂၀၀၀-၁၈၅၀) နှုန်းတို့ရှိပြီး လက်လီဈေးများတွင် ကျပ် ၂၅၀၀-၂၄၀၀ / ၂၃၀၀-၂၂၀၀/၂၁၀၀-၂၀၀၀ နှုန်းတို့ဖြင့် အသီးသီးရောင်းဝယ်မှုရှိနေပါသည်။ လက်လီဈေးများတွင် အရည် အသွေးဖြင့် ဆိပ်ဖြူ၊ ရေနံချောင်း၊ ကြက်သွန်နီများ ဈေးနှုန်းမြင့်သည့်အတွက် အနည်းငယ်သာ ဝယ်ယူ ရောင်းချမှုရှိကြောင်း သိရှိရပါသည်။
DOCA(ပဲခူး)