ပြည်ဈေးကွက်ရှိ စားဖိုချောင်သုံးသီးနှံများဖြစ်သည့် ကြက်သွန်ဖြူ(ရှမ်းစ)ဈေးနှုန်းမှာ အရည်အသွေးပေါ်လိုက်၍ အချောအသန့် တစ်ပိဿာလျှင် ၂၀၀၀၀ကျပ်ရှိပြီး အကြီး၊ အသေး အနည်းငယ်ရောသည့် ရှမ်းစများမှာ တစ်ပိဿာလျှင် ၁၈၀၀၀ကျပ်ရှိပါသည်။ ကြက်သွန်ဖြူ (ကြူကုတ်) ဈေးနှုန်းအနေဖြင့် အသန့်တစ်ပိဿာလျှင် ၁၂၀၀၀ကျပ် ဈေးရှိပြီး အိတ်ဆွဲဈေး (၇ပိဿာပါ) အနေဖြင့် တစ်ပိဿာလျှင် ၁၁၅၀၀ကျပ် ဈေးဖြင့် ယခု ဇန်နဝါရီ နောက်ဆုံးပတ်တွင် အရောင်းအဝယ်ဖြစ်လျက်ရှိပါသည်။
ကြက်သွန်နီ(မြစ်သား) အချော တစ်ပိဿာလျှင် ၃၈၀၀ကျပ်၊ အလတ် တစ်ပိဿာလျှင် ၃၆၀၀ကျပ်၊ အသေးတစ်ပိဿာလျှင် ၃၄၀၀ကျပ်ဈေးဖြင့် အရောင်းအဝယ်ဖြစ်လျက်ရှိပြီး မကွေးမှအဝင်ရှိသော ကြက်သွန်နီအသစ်များမှာ တစ်ပိဿာလျှင် ၂၂၀၀-၂၄၀၀ကျပ် ဈေးဖြင့် အရောင်းအဝယ် ဖြစ်လျက်ရှိပါသည်။
ရှမ်းပြည်နယ်မှဝင်ရောက်သော ရှမ်းအာလူးများမှာ အချောတစ်ပိဿာလျှင် ၄၀၀၀ကျပ်၊ အလတ်တစ်ပိဿာလျှင် ၃၂၀၀-၃၅၀၀ကျပ်ဈေးရှိပါသည်။ ပြည်ဈေးကွက်သို့ မီးဖိုချောင်သုံးသီးနှံဖြစ်သော ကြက်သွန်ဖြူ၊ ကြက်သွန်နီနှင့် အာလူးချောများမှာ ပုံမှန်အဝင်ရှိနေပြီး ပုံမှန် အရောင်းအဝယ်ဖြစ်လျက်ရှိပါကြောင်း သိရှိရပါသည်။
DOCA(ပဲခူး)