ပဲခူးတိုင်းဒေသကြီးအစိုးရအဖွဲ့၏ လမ်းညွှန်ချက်အရ တောင်ငူမြို့ရှိ တက္ကသိုလ်၊ ကောလိပ်၊ သိပ္ပံနှင့်နည်းပညာအထက်တန်းကျောင်းများသို့သွားရောက်၍ ဆန်၊ စားသုံးဆီ၊ သားငါး၊ ကြက်ဥ၊ ဘဲဥနှင့် ဟင်းသီးဟင်းရွက်များကို ၂၀၂၄ခုနှစ်၊ ဇန်နဝါရီ ၁ရက်နေ့မှစ၍ အပတ်စဉ် အင်္ဂါနေ့တိုင်း ရောင်းချပေးလျက်ရှိရာ ဇန်နဝါရီ ၃၀ရက်နေ့အထိ ၅ကြိမ်မြောက် ရောင်းချပေးခဲ့ပြီးဖြစ်ပါသည်။
တောင်ငူမြို့တွင် တောင်ငူတက္ကသိုလ်၊ နည်းပညာတက္ကသိုလ်(တောင်ငူ)၊ ကွန်ပျူတာတက္ကသိုလ် (တောင်ငူ)၊ တောင်ငူပညာရေးဒီဂရီကောလိပ်၊ အစိုးရစက်မှုလက်မှုသိပ္ပံ(တောင်ငူ)နှင့် နည်းပညာအထက်တန်းကျောင်း(တောင်ငူ)တို့ရှိပါသည်။
( ၃၀-၁-၂၀၂၄) ရက်နေ့တွင် တောင်ငူခရိုင်ဆန်စက်ပိုင်ရှင်များအသင်းက ဆန်များကို တစ်ပြည်လျှင် ၂၅၀၀ကျပ်ဖြင့်လည်းကောင်း၊ တောင်ငူခရိုင်ဆီကုန်သည်နှင့်ဆီလုပ်ငန်းရှင်များအသင်းက စားအုန်းဆီတစ်ပိဿာလျှင် ၅၆၀၀ကျပ်ဖြင့်ရောင်းချပေးခဲ့ပါသည်။ ဇန်နဝါရီအတွင်း ဆန် ၁၄၉အိတ်နှင့် စားအုန်းဆီ ၅၃၈၀ပိဿာရောင်းချပေးခဲ့ပြီးဖြစ်ပါသည်။
ထို့အတူ မွေးမြူရေးလုပ်ငန်းရှင်များက အသားငါးနှင့် ကြက်ဥ၊ ဘဲဥများကိုလည်းကောင်း၊ တစ်နိုင်တစ်ပိုင်စိုက်ပျိုးသူများအနေဖြင့် ဟင်းသီးဟင်းရွက်များကိုလည်းကောင်း ရောင်းချပေးလျက်ရှိပါသည်။ ဆန်နှင့်စားအုန်းဆီများရောင်းချရာနေရာသို့ စားသုံးသူရေးရာဦးစီးဌာန၊ ခရိုင်ဦးစီးမှူး ဦးမျိုးအောင်နှင့်ဝန်ထမ်းများကကြီးကြပ်၍ လိုအပ်သည်များကိုကူညီဆောင်ရွက်ပေးခဲ့ကြောင်းသိရှိရပါသည်။
DOCA(ပဲခူး)