မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မင်းဘူးခရိုင်၊ မင်းဘူးမြို့၊ အမှတ်(၃) ရပ်ကွက်၌ မြို့နယ်ဆီလုပ်ငန်းရှင်များအသင်းအနေဖြင့် (၁-၂-၂၀၂၄)ရက်နေ့၊ နံနက်(၀၉း၀၀)နာရီအချိန်တွင် လူတစ်ဦးလျှင် စားအုန်းဆီတစ်ပိဿာ ကျပ်(၅၀၀၀)နှုန်းဖြင့် စားအုန်းဆီပိဿာ (၅၅၀)ပိဿာရောင်းချပေးခဲ့ကြောင်းသိရှိရပါသည်။
ထိုသို့ရောင်းချပေးနေမှုအား မြို့နယ်ကြီးကြပ်ရေးကော်မတီဖြစ်သည့် မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူး၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့တို့ပူးပေါင်း၍ စားအုန်းဆီပေပါ (၅) လုံးကုန်အောင်ရောင်းချမှုရှိ/မရှိ၊ အလေးချိန်မှန်ကန်မှုရှိ/မရှိနှင့် သတ်မှတ်ဈေးနှုန်းဖြင့်ရောင်းချမှုရှိ/မရှိတို့ကို သွားရောက်၍ ကွင်းဆင်းကြီးကြပ်ဆောင်ရွက်ခဲ့ပါသည်။ ၎င်းစားအုန်းဆီရောင်းချနေသည့်နေရာသို့ ခရိုင်စီမံအုပ်ချုပ်ရေးမှူးအဖွဲ့ကလည်း လာရောက်အားပေးခဲ့ကြောင်းသိရှိရပါသည်။
DOCA(မကွေး)