ယခုတစ်ပတ်တွင် ပြည်မြို့ပေါ်ဈေးကွက်များအတွင်း သံပုရာသီးနှင့်ရှောက်သီးများ ရှားပါး၍ ဈေးမြင့်တက်မှုရှိနေကြောင်း သိရှိရပါသည်။ ယခင်မိုးတွင်းစိုက်သံပုရာသီးနှင့် ရှောက်သီးများမှာ မိုးရေရ၍ အလုံးချောကာ ပေါများသဖြင့် ဈေးနှုန်းအနေဖြင့် ဈေးချိုသော်လည်း ယခု ဆောင်းတွင်းကာလ ရေသွင်း စိုက်ပျိုးရသဖြင့် ရှားပါးကာ ဈေးမြင့်ရခြင်းဖြစ်ကြောင်း သိရှိရပါ သည်။ ပြည်မြို့ပေါ် ဈေးများသို့ ယခုအချိန်တွင် ဇီးအုပ်၊ နတ်တလင်းနှင့် ရွှေတောင်ဘက်မှ အဝင်ရှိနေပြီး တစ်ပတ်လျှင်ရက်ခြား သံပုရာသီးနှင့် ရှောက်သီးအလုံး ၁၀၀၀၊ ၁၅၀၀ ခန့် ဝင်ရောက်မှုရှိနေပါသည်။ ဈေးကွက်အတွင်း သံပုရာသီးတစ်လုံးလျှင် ကျပ် ၃၅၀-၄၀၀ ရှိပြီး ရှောက်သီးတစ်လုံးလျှင် ကျပ် ၇၀၀-၈၀၀-၁၀၀၀ နှုန်းတို့ဖြင့် အသီးသီး ရောင်းဝယ်မှုရှိကြောင်း သိရှိရပါသည်။
DOCA(ပဲခူး)