စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေး ဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှုဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးအသိပညာပေးလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူး ဦးဆောင်၍ ၂၀၂၄ခုနှစ်၊ ဖေဖော်ဝါရီလအတွင်း စီးပွားရေးလုပ်ငန်းရှင်များနှင့် တွေ့ဆုံခြင်းအား (၅) ကြိမ် ဆောင်ရွက်ခဲ့ပါသည်။
(၁၃.၂.၂၀၂၄)ရက်နေ့တွင် စားသုံးသူရေးရာဦးစီးဌာန၊ ရွှေဘိုမြို့၊ အမှတ်(၁၀)ရပ်ကွက်ရှိ မွတ္တား(၃) ( ဆေးမျိုးစုံ) ရောင်းဝယ်ရေးလုပ်ငန်းရှင်၊ အာရောဂျံ (ဆေးမျိုးစုံ) ရောင်းဝယ်ရေးလုပ်ငန်းရှင်၊ ပိုင်ပိုင်ချမ်းမြေ့ (ဆေးမျိုးစုံ) ရောင်းဝယ်ရေးလုပ်ငန်းရှင်၊ (၁၅.၂.၂၀၂၄)ရက်နေ့တွင် ဒေါ်မော်ကြည် (ကုန်မျိုးစုံ) ရောင်းဝယ်ရေးလုပ်ငန်းရှင်၊ (၂၀.၂.၂၀၂၄)ရက်နေ့တွင် လမင်း(ဆေးမျိုးစုံ)ရောင်းဝယ်ရေးလုပ်ငန်းရှင်တို့နှင့် တွေ့ဆုံဆွေးနွေးခဲ့ပြီး စုစုပေါင်း စီးပွားရေး လုပ်ငန်းရှင် (၅) ဦးအား စားသုံးသူကာကွယ်ရေးဥပဒေ၊ အမိန့် နှင့်ညွှန်ကြားချက်များနှင့် ဌာနမှ ဆောင်ရွက်လျက်ရှိသော လုပ်ငန်းများအား အသိပညာပေး ဆွေးနွေးခဲ့ကြောင်း သတင်းရရှိပါသည်။
DOCA(စစ်ကိုင်း)