မြန်မာနိုင်ငံတွင် လရာသီများရှိသည့်အနက် ဗုဒ္ဓဘာသာဝင်များသည် ရိုးရာပွဲတော်များကို လစဉ်ကျင်းပလျက်ရှိရာ ထမနဲများကို စုပေါင်းထိုးကြပြီး တပို့တွဲလပြည့်နေ့တွင် မြတ်စွာဘုရားအား ထမနဲဆွမ်းများကို ကပ်လှူပူဇော်၍ မိတ်ဆွေများအား ထမနဲများကို ဘူးများဖြင့် ထည့်ကာ ဝေငှသည့်ဓလေ့သည် မြန်မာလူမျိုးများ၏ ချစ်စရာကောင်းသောဓလေ့ပင် ဖြစ်ပါသည်။
စစ်ကိုင်းတိုင်းဒေသကြီး၊ ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူးဦးဆောင်သော ဝန်ထမ်းများအဖွဲ့သည် (၂၃.၂.၂၀၂၄)ရက်နေ့၊ နံနက် (၁၀:၃၀)အချိန်တွင် ထမနဲများကို စုပေါင်းထိုးကြပြီး ခရိုင်ဦးစီးမှူးမှ လပြည့်နေ့နံနက်တွင် မြတ်စွာဘုရားအား လှူဒါန်းရန် ထမနဲများကို ခွဲထားပြီး ဝန်ထမ်းများအား ထမနဲဖြင့် ဧည့်ခံကျွေးမွေးပြီး ထမနဲထုပ်များအား လက်ဆောင်ပေးဝေခဲ့ကြောင်း၊ ရွှေဘိုမြို့၊ မြို့မစည်ပင်သာယာဈေးနှင့် မြို့လယ်ခေါင်လမ်းမကြီးတလျှောက်တွင် ဈေးသည်များမှ ထမနဲများကိုထိုးပြီး ရောင်းချလျက်ရှိကြောင်း၊ ထမနဲ အစိတ်သား (၁)ထုပ်လျှင် (၃၀၀ဝိ/-)ကျပ်မှ (၄၀၀ဝိ/-)ကျပ် ဖြင့် ရောင်းချလျက်ရှိကြောင်း သိရှိရပါသည်။
DOCA(စစ်ကိုင်း)