မကွေးတိုင်းဒေသကြီး၊ သရက်ခရိုင်၊ သရက်မြို့နယ် ပတ်ဝန်းကျင်ကျေးရွာများဖြစ်သော အင်းမငယ်၊ ပေါက်ပင်၊ အုန်းပင်လှ၊ စခန်းကြီး၊ မင်းတည်း၊ ပျဉ်ထောင်၊ မြွေပွေး၊ ရွာသစ်၊ ကျောက်အိုင်၊ ဝက်သားစား၊ စက်တောင်၊ ရွာလေး စသည့် ကျေးရွာများမှထွက်ရှိသည့် ဇီးသီးအစို၊ အခြောက်များမှာ ၂၀၂၄ခုနှစ် ဖေဖော်ဝါရီလ(စတုတ္ထပတ်)တွင် တစ်တင်းလျှင် ကျပ်(၁၂၀၀၀)ဈေးဖြင့် ယခင်အပတ်ဈေးနှုန်းနှင့်အတူ အတက်အကျမရှိပဲအရောင်းအဝယ်ဖြစ်လျက် ရှိပြီး တစ်နေ့လျှင် အိတ်ရေ(၇၀၀မှ၁၅၀၀) ဝန်းကျင်ခန့် ဝင်ရောက်လျက်ရှိကြောင်း သိရှိရပါသည်။
ဇီးစေ့တစ်တင်းလျှင် ဖေဖော်ဝါရီလ(စတုတ္ထပတ်)တွင် ကျပ်(၅၀၀၀၀မှ၅၁၀၀၀)အတွင်း ဝယ်ယူရရှိပြီး ဇီးသီးများကို ဇီးသီးခွဲစက်ဖြင့် ဇီးသီးမှဇီးစေ့၊ ဆီးဆံရရှိအောင်ကြိတ်ခွဲ မည်ဖြစ်ပါကြောင်း၊ ဇီးဆံ(၁)တင်းလျှင် ကျပ် (၅၄၀၀၀ မှ၅၇၀၀၀)ဈေးရှိပါကြောင်း၊ ဇီးဆံများ ရရှိပါက အောင်လံ၊ ပြည်၊ မန္တလေးမြို့သို့ တင်ပို့ရောင်းချပါကြောင်း ဇီးသီးဝယ်ယူသူ ဦးဇော်မျိုးဦးထံမှ သိရှိရပါသည်။
DOCA(မကွေး)