ရွှေဘိုမြို့ပေါ်ရှိ အောင်ဇေယျဈေးတွင် ဆိုင်ခန်းပေါင်း (၁၀၀)ကျော်နှင့် ပျံကျဈေးသည်များအပြင် မိုးကုတ်မြို့သို့ တင်ပို့ရောင်းချသည့် သီးနှံလက်ကားဒိုင်များဖြင့် နေ့စဉ် နံနက် (၆:၀၀)နာရီမှ နေ့လယ် (၁၄:၀၀)နာရီထိ ပိတ်ရက်မရှိ ရောင်းဝယ်ဖောက်ကားလျက်ရှိပါသည်။
၂၀၂၄ ခုနှစ်၊ ဖေဖော်ဝါရီလ နောက်ဆုံးပတ်တွင် မန္တလေးမြို့မှ မှာယူရောင်းချသည့် မရမ်းသီးများ နေ့စဉ်ဝင်ရောက်လျက်ရှိပြီး တစ်ပိဿာလျှင် (၈၀၀၀)ကျပ်မှ (၁၂၀၀၀)ကျပ်ဖြင့် အရောင်းအဝယ်သွက်နေပြီး ဝင်ရောက်လာသော မရမ်းသီးများကို ဈေးအတွင်းရှိ လက်လီ ပျံကျဈေးသည်များထံသို့ ဖောက်သည်ပေးသည့်အပြင်၊ ဆိုင်ကယ်ဖြင့် မြို့တွင်း လှည့်လည်ရောင်းချသော ဈေးသည်များ၊ ရွှေဘိုမြို့ပေါ်ရှိ ထမင်းဆိုင်များနှင့် နေ့စဉ်စားသုံးသူများသို့ လက်လီ/လက္ကားရောင်းချလျက်ရှိကြောင်း အောင်ဇေယျဈေးအတွင်းရှိ သီးနှံစုံ လက်ကားဒိုင် များမှ သတင်းရရှိပါသည်။
DOCA(စစ်ကိုင်း)