ရန်ကုန်တိုင်းဒေသကြီး၊ မှော်ဘီခရိုင်၊ စားသုံးသူရေးရာဦးစီးဌာန၊ မှော်ဘီမြို့နယ်ရှိ ဝန်ထမ်းများသည် ကုလားကုန်းကျေးရွာသို့သွားရောက်ကာ အသားတိုးဝက်မွေးမြူရေးလုပ်ငန်းဆောင်ရွက်နေသော ပိုင်ရှင် ဦးမြင့်ကို၏ စီးပွားဖြစ်မွေးမြူခြင်းနှင့်ပတ်သက်၍ ကွင်းဆင်းလေ့လာခဲ့ပါသည်။
ကုလားကုန်းကျေးရွာ၌ အသားတိုးဝက်မွေးမြူရေးလုပ်ငန်းကို ၂၀၁၃ခုနှစ်မှစတင်၍ လုပ်ကိုင်ခဲ့ကြောင်း၊ ဝက်ခြံတွင် ဝက်ကောင်ရေ (၂၀၀)ရှိပြီး အကြီး(၆၀)၊ အလတ်/ အသေး/ သားပေါက်(၁၄၀)ကောင်မွေးမြူထားကြောင်း၊ ဝက်အထီး(၆၀)၊ အမ(၁၄၀)ရှိ၍ ဝက်များမွေးမြူရာတွင် ဝက်ခြံများကို ကွန်ကရစ်အခင်းများဖြင့် လေဝင်လေထွက်ကောင်းမွန်သော အဆောက်အဦများနှင့် သန့်ရှင်းသပ်ရပ်စွာမွေးမြူဆောင်ရွက်ထားကြောင်း၊ ဝက်အကြီး၏အစာမှာ (CP-952)တစ်အိတ်လျှင် ၅၀၄၀၀ကျပ်၊ ဝက်အလတ် (CP-966) တစ်အိတ်လျှင် ၄၉၅၀၀ကျပ်၊ ဝက်အသေး (CP-950) တစ်အိတ်လျှင် ၇၀၅၀၀ကျပ်၊ နို့တိုက်ဝက် (CP-967) တစ်အိတ်လျှင် ၅၁၉၀၀ကျပ်ဖြင့် စနစ်တကျကျွေးမွေးထားကြောင်း၊ တစ်နေ့ကုန်ကျငွေမှာ ၂၅၀၀၀၀ကျပ်ဖြစ်၍ တစ်လလျှင် သိန်း(၈၀)ခန့်ကုန်ကျခဲ့ပါသည်။ ဝက်မများအား (၂)သားမွေးထားပြီး ဝက်ထီးများကို (၉)လမှ (၁)နှစ်အတွင်း ပြန်လည်ရောင်းချပါသည်။ ဝက်အကောင်လိုက်ရောင်းဈေးမှာ တစ်ပိဿာလျှင် (၇၅၀၀) ကျပ်ဖြစ်ပြီး ယခုပေါက်ဈေးဖြင့်၍ ဝက်သားပေါက်များကို ဝက်သားခွဲ (၄၅)ရက်သားကို (၉၀၀၀၀)ကျပ်ဖြင့် ရောင်းချကြောင်းသိရှိရပါသည်။ ဈေးအတွင်းတွင် ဝက်သားအသား(သန့်သန့်)ရှယ်အား (၁၂၀၀၀)ကျပ်မှ တခြားအစိတ်အပိုင်းများကို (၅၀၀၀) ကျပ်ဈေးနှုန်းဖြင့် စားသုံးသူများအဆင်ပြေစေရန် ရောင်းဝယ်လျက်ရှိကြောင်းသိရှိရပါသည်။
DOCA(ရန်ကုန်)