ပဲခူးတိုင်းဒေသကြီး၊ ပြည်ခရိုင်၊ ပြည်မြို့တွင် ဖေဖော်ဝါရီလ ပထမပတ်မှစတင်ကာ ပြည်မြို့၊ စည်ပင်သာယာဈေးကြီးနှင့် အခြားဈေးများတွင် သံပရာသီးများကို လှိုင်လှိုင်ရောင်းချနေပြီဖြစ်ပါသည်။ သံပုရာသီးအများဆုံးထွက်ရှိသော ဇီးအုပ်နှင့် နတ်တလင်းဘက်တို့မှ ပြည်မြို့မဈေးကြီးနှင့် အခြားဈေးများအပြင် ရန်ကုန်မြို့သို့လည်း တိုက်ရိုက်တင်ပို့ရောင်းချကြောင်းသိရပါသည်။ သံပရာသီးကို ပြည်မြို့အနီးတဝိုက်ကျေးရွာများတွင် တစ်နိုင်တစ်ပိုင်စိုက်ပျိုးကြသည့်အပြင် စီးပွားဖြစ်လည်းစိုက်ပျိုးကြပါသည်။ သံပုရာသီးပေါ်ချိန်ဖြစ်သော်လည်း ပေါ်ခါစဖြစ်၍ ဈေးကောင်းရပြီး သံပရာသီးအလုံးချော (အကြီး)တစ်လုံးလျှင် (၃၀၀-၃၅၀) ကျပ်၊ အနေတော်တစ်လုံးလျှင် (၂၀၀-၂၅၀) ကျပ်ဖြင့် အရောင်းအဝယ်ဖြစ်နေသောကြောင့် သံပရာသီးစိုက်တောင်သူများအနေဖြင့် ယခုနှစ်တွင် ဈေးကောင်းရ၍ တွက်ချေကိုက်လျက်ရှိကြောင်းသိရပါသည်။
DOCA(ပဲခူး)