ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံး သူကာကွယ်ရေးအသိ ပညာပေး Talk Showကို ၂၀၂၄ခုနှစ် မေလ ၁၆ရက်နေ့ နေ့လယ် (၁၃:၀၀) နာရီ အချိန်တွင် ဓနုဖြူလူထု အခြေပြု ဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။
အဆိုပါ အသိပညာပေး ဆွေးနွေးပွဲတွင် စားသုံးသူရေးရာဦးစီးဌာနမှ ဦးခိုင်လွမ်းမိုးက စားသုံးသူရေးရာဦးစီးဌာန၏ ရည်မှန်းချက်များ၊ လုပ်ငန်းစဉ်များ၊ ကုန်စည်နှင့် ဝန်ဆောင်မှုများ အကြောင်းတို့ကို ဆွေးနွေး ခဲ့ပါည်။ စားသုံးသူရေးရာဦးစီးဌာနသည် ၂၀၁၄ခုနှစ် မတ်လ ၁၄ရက်နေ့မှာ စားသုံးသူအကာအကွယ်ပေးရေး ဥပဒေကို ပြည်ထောင်စုလွတ်တော်မှ ဥပဒေအမှတ် ၁၀ဖြင့် ပြဌာန်းခဲ့ပြီး စားသုံးသူအသိ ပညာပေးဖြစ်သော ဟောပြောပွဲများကို စာသင်ကျောင်းများ၊ ဈေးများ၊ ရပ်ကွက်များ၊ ကျေးရွာများ၊ လူထုနှင့် စီးပွားရေးလုပ်ငန်းရှင်များအား အသိပညာပေး လုပ်ငန်းများ ဆောင်ရွက်လာခဲ့တာဆိုလျင် ယနေ့တိုင်ဖြစ်ကြောင်း၊ စားသုံးသူ အကာအကွယ်ပေးရေး လုပ်ငန်း များကိုဆောင်ရွက်ရာမှာ လိုအပ်ချက်များအရ တိုင်ဒေသကြီး/ပြည်နယ်၊ အငြင်းပွားမှုဖြေရှင်းရေးအဖွဲ့ အသင်းအဖွဲ့များက အဆင့် ၅ဆင့်ဖြင့်ရေးဆွဲပြီး ၂၀၁၉ခုနှစ် မတ်လ ၁၅ရက်နေ့ ကမ္ဘာ့စားသုံးသူ အခွင့်အရေးများနေ့မှာ ပြည်ထောင်စု လွတ်တော် ဥပဒေအမှတ် ၉ ဖြင့် စားသုံးသူကာကွယ်ရေးဥပဒေကို ပြင်ဆင်၍ အတည်ပြုပြဌာန်းခဲ့ပါကြောင်း၊ စားသုံးသူကာကွယ်ရေးဥပဒေမှာတော့ အခန်းပေါင်း ၂၅ ခန်း၊ ပုဒ်မ ၈၄ခု ပါဝင်ကြောင်း၊ ဆက်လက်၍ ဌာန၏ ရည်မှတ်ချက်၊ မျော်မှန်းချက်များကို ရှင်းလင်းဆွေးနွေးခဲ့ပြီး၊ ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန် ဆောင်ရွက်လျက်ရှိကြောင်း၊ အဓိက ဆောင်ရွက်နေသော လုပ်ငန်းစဉ် အနေဖြင့် စားသုံးသူကာကွယ်ရေး အဓိက ဆောင်ရွက်လျက်ရှိပြီး စားသုံးသူ ကာကွယ်ရေးလုပ်ငန်းများကို စားသုံးသူအခွင့်အရေးထိခိုက်နစ်နာမှု မရှိသေးမီ အခြေ အနေနဲ့၊ စားသုံးသူ အခွင့်အရေး ထိခိုက်နစ်နာပြီး အခြေအနေဆိုပြီး ယေဘူယျအားဖြင့် နှစ်မျိုး ခွဲခြားထားလိုရကြောင်း၊ စားသုံးသူ အခွင့်အရေးထိခိုက်နစ်နာမှု မရှိသေးမီ အခြေအနေနဲ့ကတော့ စားသုံးသူတွေအကျိုးစီးပွားကို ကာကွယ်ရန်ဖြစ်ပြီး၊ စားသုံးသူအခွင့်အရေး ထိခိုက်နစ်နာပြီး အခြေအနေတွေကိုတော့ စားသုံးသူနှင့် စီးပွားရေးလုပ်ငန်းရှင်အကြား ကော်မရှင်၊ ကော်မတီ အဆင့်ဆင့်တို့က သတ်မှတ်ပေးတဲ့မျှတတဲ့ လုပ်ငန်းစဉ် ဖြစ်ကြောင်း ရှင်းလင်းပြောကြားခဲ့သည်။ စားသုံးသူ အခွင့်အရေး ထိခိုက်နစ်နာမှုရှိလာပါက စားသုံးသူရေး ရာဦးစီးဌာနသို့ တိုင်ကြားနိုင်ပြီး တိုင်ကြားနိုင်သည့် နည်းလမ်းများ အကြောင်းကို အကျယ်တဝင့်ရှင်း လင်းပြောကြားခဲ့ကြောင်း သတင်းရရှိပါသည်။
DOCA(ဧရာဝတီ)