ပဲခူးတိုင်းဒေသကြီး၊ ပဲခူးမြို့နယ်ပြင်စီဈေးအတွင်း မေလနောက်ဆုံးပတ်၌ ဖြစ်ပေါ်နေသော အခြေခံစားသောက်ကုန်ဈေးနှုန်းများမှာ မေလဒုတိယပတ်တွင် ခရမ်းချဉ်သီးတစ်ပိဿာလျှင်(၃၀၀၀)ကျပ်နှင့် ယခုမေလနောက်ဆုံးပတ်တွင်(၄၀၀၀)ကျပ်ဖြစ်ကာ ဈေးနှုန်းမြင့်တက်လျက်ရှိပြီး ယခုမေလနောက်ဆုံးပတ်တွင်ဂေါ်ရခါးသီးတစ်လုံးလျှင်(၃၅၀)ကျပ်၊ ပန်းဂေါ်ဖီအကြီးတစ်ပွင့်လျှင်(၁၈၀၀)ကျပ်၊ ပန်းဂေါ်ဖီအသေးတစ်ပွင့်လျှင်(၁၅၀၀)ကျပ်၊ ကန်စွန်းရွက်တစ်စည်းလျှင်(၃၀၀)ကျပ်၊ ချဉ်ပေါင်ရွက်တစ်စည်းလျှင် (၃၀၀)ကျပ်၊ ဂျင်းတစ်ပိဿာလျှင် (၁၂၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။
အသား/ ငါးစျေးနှုန်းများအနေဖြင့် ကြက်သားတစ်ပိဿာလျှင်(၁၄၀၀၀)ကျပ်၊ ဆိတ်သားတစ်ပိဿာလျှင်(၂၅၀၀၀)ကျပ်၊ ဝက်သားတစ်ပိဿာလျှင်(၁၈၀၀၀)ကျပ်တို့ဖြစ်ကြပါသည်။
DOCA(ပဲခူး)