ပုသိမ်ခရိုင် ဆန်စပါးဈေးကွက်တွင် ယခင်ဧပြီလအတွင်း ပုသိမ်၊ ကန်ကြီးထောင့်၊ ငပုတောမြို့နယ်များတွင် ပေါ်ဆန်းစပါး၄၆ပေါင် ၁တင်းလျှင် ကျပ် ၃၀၀၀၀ ဝန်းကျင် ပေါ်ဆန်းဆန်တစ်အိတ်ကျပ် ၁၃၅၀၀၀ ဈေး ပုသိမ်၊ ကန်ကြီးထောင့်မြို့နယ်များတွင် မိုးဧည့်မထစပါး ၄၆ပေါင် ၁တင်း လျှင်၂၁၆၀၀ ဈေး ဆန်တစ်အိတ် ကျပ်၈၉၀၀၀ ဈေးနှင့် သာပေါင်း၊ ငပုတော၊ ကျုံပျော်၊ ရေကြည်၊ ကျောင်းကုန်း မြို့နယ်များတွင် မိုးဧည့်မထစပါး ၄၆ပေါင်၁တင်းကျပ် ၂၀၀၀၀ ဝန်းကျင် ဆန်တစ်အိတ်ကျပ် ၈၄၀၀၀/ ၈၅၀၀၀ ဈေးဖြင့် ရောင်းဝယ်လျက်ရှိပြီး ဈေးတန်းနိမ့်၍ လူအများစားသုံးမှုရှိသော နွေစပါး ၄၆ပေါင်၁တင်း ကျပ် ၁၇၀၀၀/၁၅၀၀၀ ဈေးခန့်နှင့် နွေဆန်တစ်အိတ်ကိုကျပ် ၇၆၀၀၀/၇၈၀၀၀ ဈေးအတွင်း အရောင်း အဝယ်ဖြစ်လျက်ရှိပြီး ဒေသတွင်းစားသုံးမှုနှင့် ရန်ကုန်၊ အထက်အညာဒေသများသို့ တင်ပို့ရောင်းချလျက်ရှိကြောင်း ဈေးကွက်မှသိရသည်။
ဧရာဝတီတိုင်းဒေသကြီးအနေဖြင့်နှစ်စဉ် မိုးစပါးစိုက်ဧက ၃၆သိန်းကျော်နှင့် နွေစပါးစိုက်ဧက ၁၀သိန်းကျော် စိုက်ပျိုးလျက်ရှိပြီး ဒေသတွင်းစားသုံးမှုဖူလုံရုံသာမက ပိုလျှံသည့်ဆန်များကို အခြားတိုင်း/ပြည်နယ်များသို့လည်း နှစ်စဉ်တင်ပို့ရောင်းချလျက်ရှိသည့်အပြင် ဆန်စပါးဈေးကွက်ပေါ်မူတည်၍ အရောင်းအဝယ်ဖြစ်နေပြီး ယခင်ဧပြီလဈေးနှင့် ယခုမေလအတွင်း ပေါ်ဆန်း စပါး/ဆန်ဈေးနှုန်းများ ပြောင်းလဲမှုမရှိဘဲ ပုသိမ်မြို့နယ်တွင် ယခင်လမိုးဧည့်မထဆန်တစ်အိတ် ကျပ် ၈၉၀၀၀ဈေးမှ ယခုမေလ ကျပ်၈၄၀၀၀ ဖြစ်သွား၍ ဆန်တစ်အိတ်ကျပ် ၅၀၀၀ဈေး ကျဆင်းပြီး ကျုံပျော်မြို့နယ်တွင် ယခင်လ ဧည့်မထဆန်တစ်အိတ် ကျပ်၈၅၀၀၀ ဈေးမှ ယခုလ ကျပ် ၈၇၀၀၀ ဈေးမြင့်တက်၍ ဆန်တစ်အိတ်ကျပ် ၂၀၀၀ဈေးနှုန်း မြင့်တက်လျက်ရှိကြောင်း ဆန်စပါးသတင်းမှ သိရသည်။
DOCA(ဧရာဝတီ)