မြန်မာနိုင်ငံသည် စိုက်ပျိုးရေးကိုအခြေခံပြီး အခြားစီးပွားရေးကဏ္ဍများကိုလည်းဖွံ့ဖြိုးတိုးတက်အောင် ဆောင်ရွက်နေသောနိုင်ငံတစ်ခုဖြစ်သည်။ ထိုသို့ဆောင်ရွက်ရာတွင် စစ်ကိုင်းတိုင်းဒေသကြီး၊ ကန့်ဘလူခရိုင်၌ ဆန်စပါးကိုအဓိကစိုက်ပျိုးပြီး သစ်သီးဝလံပန်းမန်များကိုလည်းစိုက်ပျိုးသောကြောင့် နိုင်ငံခြားဝင်ငွေများတိုးတက်ရရှိအောင် အထောက်အကူပြုလျက်ရှိသည်။
ယခုအချိန်အခါတွင် စစ်ကိုင်းတိုင်းဒေသကြီး၊ ကန့်ဘလူခရိုင်၌ စိန်တစ်လုံးသရက်သီးများလှိုင်လှိုင်ပေါ်ချိန်ဖြစ်ရာ ရောင်းတမ်းဝင်အသီးများကို အခြားတိုင်းဒေသကြီးနှင့် ပြည်ပနိုင်ငံများအထိတင်ပို့ရောင်းချကြသည်။ ကန့်ဘလူမြို့၊ အမှတ်(၅)ရပ်ကွက်တွင် စိန်တစ်လုံးသရက်သီးများကို သရက်ပြင်(ခေါ်)သရက်ပြားအဖြစ် တန်ဖိုးမြှင့်ထုတ်ကုန်များထုတ်လုပ်၍ ဒေသတွင်းနှင့် အခြားတိုင်းဒေသကြီးများသို့ တင်ပို့ရောင်းချလျက်ရှိကြောင်းသိရသည်။
သရက်ပြင်(ခေါ်)သရက်ပြားရရှိရန် စိန်တစ်လုံးသရက်သီးမှည့်ကို အနှစ်ရအောင်ပြုလုပ်၍ ကျိုသည့်အိုးတွင်ထည့်ကာ အနှစ်၊ အခဲများကြေညက်ပြီး ရေကုန်သည်အထိကျိုရကြောင်း၊ ရရှိလာသောသရက်ကျိုများကို ဆီသုတ်ထားသောအခင်းပြားပေါ်တွင်ဖြန့်၍ နေရောင်ခြည်ဖြင့် (၂) ရက်မှ (၃)ရက်ခန့်အခြောက်ခံပြီးှင် အသင့်စားသုံးနိုင်သော သရက်ပြင်(ခေါ်)သရက်ပြားများရရှိကြောင်း၊ ဈေးနှုန်းဈေးကွက်အနေဖြင့် ဒေသတွင်းနှင့် ပဲခူတိုင်းဒေသကြီးရှိ ပဲနွယ်ကုန်း၊ ပြည်၊ ပေါက်ခေါင်းမြို့ များသို့ အများဆုံးတင်ပို့ရောင်းချလျက်ရှိကြောင်း၊ ထိုသို့ရောင်းချရာတွင် သရက်ပြင်တစ်ပိဿာှင် ၇၀၀၀ကျပ်မှ ၈၀၀၀ကျပ်ဖြင့်ရောင်းချကြောင်း၊ နှစ်စဉ် ၃၀၀ပိဿာမှ ၈၀၀ပိဿာခန့်ထိ သက်ရက်သီးကုန်ကြမ်းရရှိမှုပေါ်မူတည်၍ မိသားစုတစ်နိုင်တစ်ပိုင်ထုတ်လုပ်ရောင်းချလျက်ရှိပြီး ဝင်ငွေရရှိကာ မိသားစုအဆင်ပြေလျက်ရှိကြောင်း လုပ်ငန်းရှင် ဦးမျိုးနိုင်ထံမှသိရှိရပါသည်။
DOCA(စစ်ကိုင်း)