ဧရာဝတီတိုင်းဒေသကြီးအတွင်း သဘာဝဘေးအန္တရာယ် ကျရောက်ပါက အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှု ကော်မတီအောက်ရှိ တိုင်းအတွင်း ကနဦး လိုအပ်ချက် စစ်တမ်းကောက်ယူရေးအဖွဲ့မှ ပျက်စီးဆုံးရှုံးမှု အတည်ပြုရန် စီးပွားရေး၊ လူမှုရေး၊ ကျန်းမာရေး ၊ ပညာရေး၊ ဘာသာရေးစသည်ဖြင့် ကဏ္ဍအလိုက်ပျက်စီးဆုံးရှုံးမှု စာရင်းအချက်အလက်များကို အချိန်နှင့်တစ်ပြေးညီ ပြည့်စုံစွာ ကောက်ယူရန် လိုအပ်ချက်များကို ဆန်းစစ်ဖော်ထုတ်ရန် အတွက် စာရင်းကောက်မည့်ပုံစံများကို စနစ်တကျရေးသွင်းနိုင်ရန် ဇွန် ၃ရက်နေ့တွင် ပို့ချပေးသည့် သင်တန်းကို စားသုံးသူရေးရာဦးစီးဌာန ၊ ပုသိမ်ခရိုင်ဦးစီးမှူးရုံးမှ ဦးကိုကိုအောင် တက်ရောက်ခဲ့ပါသည်၊၊
အဆိုပါသင်တန်းတွင် ဘေးသင့်အိမ်ထောင်စုဦးရေ၊ အဆောက်အဦပျက်စီးမှု အစိုးရကဏ္ဍပျက်စီးမှု ၊ ပုဂ္ဂလိကကဏ္ဍပျက်စီးဆုံးရှုံးမှု ၊ ပညာရေးကဏ္ဍပျက်စီးဆုံးရှုံးမှု ကျန်းမာရေးကဏ္ဍပျက်စီးဆုံးရှုံးမှု၊ ဘာသာရေးကဏ္ဍပျက်စီးဆုံးရှုံးမှု ၊ တိရစ္ဆာန်ပျက်စီးဆုံးရှုံးမှု ၊ သီးနှံစိုက်ပျိုးပျက်စီးဆုံးရှုံးမှု လမ်းတံတားများပျက်စီးဆုံးရှုံးမှု ၊ ဆည်မြောင်းတာတံမံနှင့် ရေအရင်းမြစ်ပျက်စီးဆုံးရှုံးမှု ၊ ပို့ဆောင်ရေးကဏ္ဍပျက်စီးဆုံးရှုံးမှု ၊ ဆက်သွယ်ရေး ကဏ္ဍ ပျက်စီးဆုံးရှုံးမှု ၊ လျှပ်စစ်ပစ္စည်းများပျက်စီးဆုံးရှုံးမှု ၊ စွမ်းအင်ကဏ္ဍပျက်စီးဆုံးရှုံးမှု ၊ သစ်တောကဏ္ဍပျက်စီးဆုံးရှုံးမှုများ စသည်ပျက်စီးဆုံးရှုံးမှုများအပေါ် ကနဦးလိုအပ်ချက်စစ်တမ်းကောက်ယူရေး ပျက်စီးဆုံးရှုံးများအတည်ပြုရေးနှင့် လိုအပ်ချက်များ ဆန်းစစ်ဖော်ထုတ်ရေး အချိန်နှင့်တစ်ပြေးညီ ပြည့်စုံစွာ ကောက်ယူနိုင်ရေး သင်တန်းပို့ချပေးခဲ့ကြောင်း သိရသည်၊၊
DOCA(ဧရာဝတီ)