မန္တလေးတိုင်းဒေသကြီး၊ ညောင်ဦးခရိုင်၊ ခရိုင်စားသုံးသူရေးရာဦးစီးဌာန၊ ခရိုင်စက်မှုကြီးကြပ်ရေးနှင့်စစ်ဆေးရေးဦးစီးဌာန၊ မြန်မာ့စီးပွားရေးဘဏ်တို့ပူးပေါင်း၍ ခရိုင်အတွင်းရှိ MSMEs လုပ်ငန်းများဖွံ့ဖြိုးတိုးတက်ရေးအတွက် ရင်းနှီးမတည်ငွေအဖြစ် ချေးငွေများရရှိနိုင်ရေး၊ ထုတ်ကုန်များ လုံခြုံစိတ်ချရမှုရှိစေရေးနှင့် နိုင်ငံတော်မှသက်သာသောဈေးနှုန်းဖြင့်ရောင်းချပေးသော လုပ်ငန်းသုံး စားအုန်းဆီများအား လုပ်ငန်းခွင်များတွင် အမှန်တကယ်သုံးစွဲမှုရှိစေရေးတို့အတွက်(၂၈.၅.၂၀၂၄) ရက်နေ့၊ နေ့လယ် (၁၅:၀၀) နာရီအချိန်တွင် ညောင်ဦးမြို့နယ်၊ အနောက်အုံကျေးရွာရှိ ပဲကြော် လုပ်ငန်းခွင်များသို့ ကွင်းဆင်းစစ်ဆေးမှုများဆောင်ရွက်ခဲ့ပါသည်။ အဆိုပါကွင်းဆင်းဆောင်ရွက်ရာ တွင် လုပ်ငန်းရှင်များအား စားသုံးသူရေးရာဦးစီးဌာန၊ ညောင်ဦးခရိုင်ဦးစီးမှူးရုံရှိ ဦးစီးအရာရှိ ဦးသန်းစိုးမှ လုပ်ငန်းရှင်များအနေဖြင့် စားသုံးကုန်များအားထုတ်လုပ်သူများဖြစ်သည့်အတွက် စားသုံးသူများဘေးအန္တရာယ်ကင်းရှင်းစေရန် ထုတ်လုပ်သည့်ကုန်ကြမ်းပစ္စည်းများမှစ၍ အရည်အသွေးကောင်းမွန်ပြည့်ဝပြီး သန့်ရှင်းလတ်ဆတ်သောကုန်ကြမ်းများဖြင့် သန့်ရှင်းသပ်ရပ်စွာသုံး စွဲထုတ်လုပ်ကြရန်လိုအပ်ပါကြောင်း၊ ထုတ်လုပ်သည့်လုပ်ငန်းစဉ်တစ်လျှောက်တွင် အသုံးပြုရသည့် ပစ္စည်းကိရိယာများသန့်ရှင်းစင်ကြယ်ရန်နှင့် အစားအစာများထိတွေ့ကိုင်တွယ်မှု ပြုလုပ်သူလူပုဂ္ဂိုလ် များမှာလည်း သန့်ရှင်း၍ ကျန်းမာရေးကောင်းမွန်သူများလည်းဖြစ်ရန်လိုအပ်ပါကြောင်း၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည် အမျိုးအစားအလိုက် သတ်မှတ်ချက်များနှင့်အညီ ဖော်ပြရမည့်အချက်များအား သိသာထင်ရှားစွာ ဖော်ပြရမည်ဖြစ်ပါကြောင်း၊ မိမိထုတ်လုပ်သောကုန်စည်နှင့်ပတ်သက်၍ စားသုံးသူမှ တစ်စုံတစ်ခု နစ်နာဆုံးရှုံးမှုများရှိလာ၍ အရေးဆိုတိုင်ကြားသည့်အခါဥပဒေနှင့်အညီ စစ်ဆေးအရေးယူမှုများ ဆောင်ရွက်ခံရမည်ဖြစ်ပါကြောင်း၊ သက်ဆိုင်ရာအစိုးရဌာနများမှလည်း MSMEs လုပ်ငန်းများ ဖွံ့ဖြိုးတိုးတက်ရေးအတွက် ပေါင်းစပ်ကူညီဆောင်ရွက်ပေးလျက်ရှိရာ လုပ်ငန်းရှင်များအနေဖြင့် အရည်အသွေးကောင်းမွန်ပြည့်ဝသော ထုတ်ကုန်များထုတ်လုပ်၍ ပြည်တွင်းဈေးကွက်သာမက ပြည်ပဈေးကွက်များအထိ ထိုးဖောက်နိုင်ရန်အတွက် ကြိုးစားဆောင်ရွက်ကြရန်လိုအပ်ပါကြောင်းနှင့် ၎င်းတို့လုပ်ငန်းနှင့်သက်ဆိုင်သည့် ဖော်ပြပါဝင်ရမည့် ကုန်အညွှန်းအမှတ်အသားများ၊ သိရှိလိုသည့် အချက်အလက်များအား ရှင်းလင်း၍ လုပ်ငန်းခွင်များအားစစ်ဆေးမှုများ ဆောင်ရွက်ခဲ့ကြောင်း သိရှိရပါသည်။
DOCA(မန္တလေး)