မလှိုင်မြို့နယ်အတွင်းအဓိက စိုက်ပျိုးသော မိုးသီးနှံများမှာ စပါး၊ နှမ်း၊ မြေပဲ၊ နေကြာ၊ ပဲတီစိမ်း၊ ပဲစဉ်းငုံ တို့အပြင် ဝါသီးနှံကိုလည်း မိုးဦး/မိုးနှောင်း စိုက်ပျိုးလျက်ရှိပါသည်။ ယခုနှစ်တွင် မိုးကြိုဝါကိုစိုက်ပျိုးမည်ဟု သက်ဆိုင်ရာဌာနမှ သိရှိရသည့်အတွက် စားသုံးသူရေးရာဦးစီးဌာန၊ မိတ္ထီလာခရိုင်၊ မလှိုင်မြို့နယ်တာဝန်ခံ ဦးရဲမြင့်ဆန်းသည် (၂၂.၂.၂၀၂၂)ရက်နေ့ နံနက်(၁၀း၀၀)နာရီ အချိန်တွင် မကျီးကုန်းကျေးရွာ မိုးကြိုဝါ(၄)ဧက စိုက်ပျိုးသည့် တောင်သူဦးစိုးမောင်နှင့် တွေ့ဆုံမေးမြန်းခဲ့ပါသည်။
မလှိုင်မြို့နယ်၊ တမ္မကြီးကျေးရွာအုပ်စု၊ မန်းကျီးကုန်းကျေးရွာသည် သစ်ပုန်းဆည်ရေသောက်ဧရိယာအတွင်းတည်ရှိပြီး ဆည်ရေဖြင့် နွေစပါး၊ ပဲတီစိမ်းတို့ကို စိုက်ပျိုးလျက်ရှိရာ ယခုနှစ်တွင် နွေစပါးစိုက်ပျိုးရန် ဆည်ရေလုံလောက်စွာမရရှိသည့်အတွက် မိုးကြိုဝါကို စိုက်ပျိုးကြောင်း၊ သက်ဆိုင်ရာဌာနမှ မျိုးစေ့နှင့်မြေကြီးအတွင်း မြေအောင်းပိုးများကိုသေစေရန် မျိုးစေ့ဖြင့်လူးနယ်ရသော ဆေးများအခမဲ့ထောက်ပံ့ပေးကြောင်း၊ ယခုအချိန်တွင် စိုက်ပျိုးပြီးဖြစ်၍ ပထမအကြိမ်ရေသွင်းပြီးဖြစ်ကြောင်း ယခုနှစ်တွင် မိုးကြိုဝါကိုစီမံချက်ဖြင့် ဧက (၅၀)စိုက်ပျိုးထားရှိပြီး ဆက်လက်၍ တောင်သူဆန္ဒစိုက်ဧက(၅၀)လျာထားရာ လျာထားချက်ပြည့်မှီစိုက်ပျိုးမည်ဟု ဝါစိုက်တောင်သူထံမှ သိရှိရပါသည်။
DOCA(မန္တလေး)