ရခိုင်ပြည်နယ်၊ စားသုံးသူရေးရာဦးစီးဌာန ၊မြောက်ဦးခရိုင်ဦးစီးမှူး ဦးကျော်မြင့်ဦးဆောင်ပြီး မင်းပြားမြို့၊ မြို့နယ်ဦးစီးမှူး ဦးမောင်သန်းဝင်းနှင့် ဝန်ထမ်းများသည် ၂၅-၂-၂၀၂၂ နေ့ နံနက်(၁၁:၀၀) နာရီအချိန်တွင် မင်းပြားမြို့၊ ဈေးဟောင်းပိုင်းရပ်ကွက် ကျွန်းညိုရပ်ရှိ ဘုန်းဟိန်း အကြော်မျိုးစုံနှင့်ယိုမျိုးစုံ ထုတ်လုပ်ဖြန့်ဖြူးရောင်းချနေသော လုပ်ငန်းသို့ သွားရောက်၍ လုပ်ငန်းရှင်နှင့် တွေ့ဆုံဆွေးနွေးခြင်း းဆောင်ရွက်ခဲ့ပါသည်။
တွေ့ဆုံဆွေးနွေးရခြင်း၏ ရည်ရွယ်ချက်မှာ စားသုံးသူပြည်သူများ နေ့စဉ်ဝယ်ယူစားသုံး နေသော ကုန်စည်များနှင့် ပတ်သက်သော အသတင်းအချက်အလက်များကို စားသုံးသူပြည်သူများ ပြည့်စုံမှန်ကန်စွာသိရှိစေရေး၊ ကုန်စည်းများထုတ်လုပ်ရောင်းချသည့် လုပ်ငန်းရှင်များအနေဖြင့် ကုန်အညွန်းအမှတ်အသားများကို ဖော်ပြရာတွင် ၂၀၁၉ စားသုံးသူကာကွယ်ရေးဉပဒေ ပြဌာန်းချက်များကို လိုက်နာပြီး ထုတ်ကုန်လုံခြုံသော ကုန်စည်းများထုတ်လုပ်ရောင်းချစေရေး စားသုံးသူပြည်သူများ စားသုံး၊ သုံးစွဲရာတွင် ဘေးအန္တရယ်ကင်းရှင်းစေရေးနှင့် နစ်နာဆုံးရှုံးမှု တစ်စုံတစ်ရာမရှိစေရေးတို့အတွက် ရည်ရွယ်၍ဆောင်ရွက်ခြင်း ဖြစ်ပါသည်။
ထိုသို့ လုပ်ငန်းရှင်နှင့်တွေ့ဆုံရာတွင် ရခိုင်ပြည်နယ်၊ စားသုံးသူရေးရာဦးစီးဌာန၊ မြောက်ဦးခရိုင်ဦးစီးမှူးမှ ကုန်စည်များထုတ်လုပ်ရောင်းချရာ၌ ကုန်အညွှန်းအမှတ်အသားများကို ပြည့်စုံစွာဖော်ပြထားမှု ရှိ/မရှိစစ်ဆေးပြီး ၂၀၁၉ စားသုံးသူကာကွယ်ရေးဉပဒေပြဌာန်းချက်များနှင့် ကုန်အညွှန်းအမှတ်အသားဖော်ပြခြင်းနှင့်စပ်လျဉ်၍ ကုန်စည်းများတွင် မဖြစ်မနေဖော်ပြရမည့်အချက်များကို ဘုန်းဟိန်း အကြော်မျိုးစုံနှင့် ယိုမျိုးစုံလုပ်ငန်းပိုင်ရှင် ဒေါ်စောဦးကြည်နှင့် အလုပ်အမားများအား ဆွေးနွေးပြောကြားခြင်း၊ မြို့နယ်ဦးစီးမှူး ဦးမောင်သန်းဝင်းမှ ဘုန်းဟိန်း အကြော်စုံနှင့်ယိုမျိုးစုံထုတ်လုပ်ရာတွင် ကုန်ကြမ်းပစ္စည်းများ ထားသိုထားသည့်နေရာများ သန့်ရှင်းစေရေး၊ ဘေးအန္တရာယ်ကင်းရှင်းသောအစားအသောက်များဖြစ်စေရေး၊ ဆိုးဆေးနှင့်ဓါတုဆေးများ သုံးစွဲခြင်းကြောင်း စားသုံးသူပြည်သူများ နစ်နာဆုံးရှုံးမှုမရှိစေရန်နှင့် သန့်ရှင်းလက်ဆတ်သော အစားအသောက်များကိုသာ ထုတ်လုပ်ရောင်းချစေရေးတို့အတွက် အသိပညာပေးဆွေးနွေးခြင်းနှင့် လက်ကမ်းစာစောင်များ ဖြန့်ဝေခြင်းတို့ကို ဆောင်ရွက်ခဲ့ပါသည်။
DOCA(ရခိုင်)