ရှမ်းပြည်နယ်(မြောက်ပိုင်း)၊ လားရှိုးမြို့၊ သမဝါယမနှင့်ကျေးလက်ဖွံဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ လားရှိုးခရိုင်ရုံးမှ ဒေသဖွံဖြိုးရေးလုပ်ငန်းအတွက် “ အသေးစားကုန်ထုတ်လုပ်ငန်းများဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေးစီမံကိန်းလုပ်ငန်း အပ်နှင်းပွဲအခမ်းအနား” ကို (၁၁.၆.၂၀၂၄) ရက်နေ့တွင် အသေးစားစက်မှုလက်မှုလုပ်ငန်းဦးစီးဌာန၊ ခရိုင်ဦးစီးမှူးရုံးတွင် ကျင်းပပြုလုပ်ခဲ့ကြောင်း သိရှိရသည်။ အဆိုပါအခမ်းအနားသို့ အသေးစားစက်မှု လက်မှုလုပ်ငန်းဦးစီးဌာန၊ စားသုံးသူရေးရာဦးစီးဌာန၊ စီမံကိန်းရေးဆွဲရေးဦးစီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ သမဝါယမဦးစီးဌာနတို့ မှ တာဝန်ရှိသူများနှင့် ကျေးရွာနေရပ်မိရပ်ဖများနှင့် ကျေးလက်နေမိသားစုဝင်များမှ တက်ရောက်ခဲ့ကြောင်းသိရှိရပါသည်။
အဆိုပါ ပေးအပ်ပွဲအခမ်းအနားတွင် စီမံကိန်းဝင်ကျေးရွာများဖြစ်သော နမ့်စံလွယ်ကျေးရွာနှင့် ဆုံကွယ်အောက်ကျေးရွာမှ ကျေးရွာအုပ်ချုပ်ရေးမှူးများနှင့် စီမံကိန်းအကောင်အထည်ဖော်ဆောင်ရွက်မည့်ကော်မတီဝင်များအား မိမိတို့သက်ဆိုင်ရာကျေးရွာတွင် နည်းပညာပေးသင်တန်းများဖွင့်လှစ်ပြီး ရွေးချယ်ခံရသောကျေးရွာနေသင်တန်းသားများအား ဒေသဖွံ့ဖြိုးတိုးတက်ရေးအတွက် လုပ်ငန်းသုံးပစ္စည်းများကိုပါ ထောက်ပံ့ပေးအပ်သွားမည်ဖြစ်ပြီး (၂၀၂၄-၂၀၂၅) ဘဏ္ဍာနှစ်အတွင်း ပထမအကြိမ်ဖြစ်ကြောင်း သိရှိရပါသည်။
DOCA(ရှမ်း)