စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ် တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့်ပူးပေါင်း၍ (၁၁.၆.၂၀၂၄)ရက်နေ့၊ နံနက်(၁၀:၀၀)နာရီအချိန်တွင် တောင်တွင်းကြီးမြို့မဈေးအတွင်းရှိ စားသုံးဆီရောင်းချနေသည့်ဆိုင် များတွင် စားသုံးဆီအမျိုးမျိုးတို့အား စျေးကွက်စောင့်ကြည့်စစ်ဆေးခြင်းကို စားသုံးသူကာကွယ်ရေး ဥပဒေနှင့်အညီ လိုက်လံစစ်ဆေးခဲ့ကြောင်း သိရသည်။
ထိုသို့စစ်ဆေးရာတွင် စားသုံးသူရေးရာဦးစီးဌာနအနေဖြင့် စားသုံးသူများဘေးအန္တရာယ်ကင်းရှင်းစေရေးအတွက် ဒေသတွင်းအသုံးပြုလျက်ရှိသည့် ကုန်စည်များနှင့်စပ်လျဉ်းပြီး ယခုကဲ့သို့ စျေးကွက်စောင့်ကြည့်စစ်ဆေးခြင်းကို မိတ်ဖက်ဌာနဆိုင်ရာများနှင့်အတူ လအလိုက်/ အပတ်စဉ် အလိုက် စစ်ဆေးဆောင်ရွက်လျက်ရှိရာ ကုန်စျေးနှုန်းတည်ငြိမ်ရေးအတွက်စစ်ဆေးခြင်း၊ စားသုံးဆီအရောင်းဆိုင်များတွင် စားအုန်းဆီများကို ရည်ညွှန်းစျေးနှုန်းဖြင့် ရောင်းချခြင်းရှိ/မရှိစစ်ဆေးခြင်း၊ မြေပဲဆီ/ နှမ်းဆီများတွင် တိရစ္ဆာန်ဆီ၊ ဝါစေ့ဆီများဖြင့် ရောနှောရောင်းချခြင်းရှိ/မရှိ စစ်ဆေးခြင်းနှင့် ပြည်တွင်းစားသုံးဆီဖူလုံရေးအတွက် ဆီများကိုဖြန့်ဖြူးရောင်းချရာတွင် စနစ်တကျရောင်းချစေရေး၊ ဆီပေပါရရှိမှုမှတ်တမ်းများ စာရင်းပြုစုထားရှိပြီး ဆီတစ်နေ့တာရောင်းချမှုပိဿာနှင့် ဝယ်ယူသူများ၏ အမည်၊ နေရပ်လိပ်စာ၊ ဖုန်းနံပါတ်များနှင့် ဆီဖြန့်ဖြူးရောင်းချမှုများကို စာရင်းပြုစုရောင်းချရန် အသိပညာပေးခဲ့ကြောင်း သိရှိရပါသည်။
DOCA(မကွေး)