စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် မင်းဘူးခရိုင်ဦးစီးမှူး၏ အနီးကပ်ကြီးကြပ်မှုတို့ဖြင့် ပွင့်ဖြူမြို့နယ်တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ (၁၁.၆.၂၀၂၄)ရက်နေ့၊ နံနက်(၀၈:၀၀)နာရီအချိန်တွင် ပွင့်ဖြူမြို့ အရှေ့ပိုင်းရပ်ကွက်ရှိ ဒေါ်ယဉ်ယဉ်ရွှေ၏ ကုန်စုံဆိုင်အား ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
ထိုသို့ ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် စားသုံးသူများ ဘေးကင်းလုံခြုံမှုရှိစေရေးအတွက် ကုန်အညွှန်းအမှတ်အသားပြည့်စုံစွာပါဝင်သည့် ကုန်ပစ္စည်းများ၊ အစားအစာများကိုသာ ရောင်းချရန်နှင့် ကုန်အညွှန်းအမှတ်အသားများ ပြည့်စုံစွာမပါဝင်သော ကုန်ပစ္စည်းများရောင်းချမှု မရှိစေရေး၊ သက်တမ်းလွန်နေသောစားသောက်ကုန်များ၊ တရားမဝင်တင်သွင်းထားသော ကုန်စည် များဈေးကွက်အတွင်းရောင်းချမှုမရှိစေရေးနှင့် လုပ်ငန်းရှင်အား စားသုံးသူကာကွယ်ရေးဥပဒေ (၂/၂၀၁၉)၊ အခန်း(၁၈)ပါ ကုန်အညွှန်းအမှတ်အသားဆိုင်ရာပြဌာန်းချက်များနှင့် လုပ်ငန်းရှင်များ လိုက်နာရမည့်တာဝန်များကို ရှင်းလင်းဆွေးနွေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။
DOCA(မကွေး)