ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြို့နယ်တာဝန်ခံသည် ဟင်္သာတခရိုင်၊ ဇလွန်မြို့နယ်၊ လမ်းမတော်မြောက်ရပ်ကွက်ရှိ မုန်မျိုးစုံဆိုင်များတွင် (၈.၃.၂၀၂၂)ရက်နေ့ နံနက်(၁၀:၀၀)နာရီအချိန်၌ ဆိုင်အတွင်းရှိ ရောင်းချနေသော ကုန်စည်များအား ကုန်အညွှန်းအမှတ်အသားဖော်ပြရမည့်အချက်များ ပါဝင်မှုရှိ/မရှိကို ကွင်းဆင်းစစ်ဆေးခဲ့ပါသည်။
စစ်ဆေးရမည့် ကုန်စည်များ၌ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)အရ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသားဖော်ပြရမည့် အချက်များနှင့်အညီ ဖော်ပြထားခြင်းရှိ/မရှိတို့ကို စစ်ဆေးခဲ့ပြီး၊ လုပ်ငန်းရှင်များအနေဖြင့် ကုန်အညွှန်း မပြည့်စုံသော ကုန်စည်များကို ရောင်းချပါက စားသုံးသူကာကွယ်ရေးဥပဒေပုဒ်မ(၇၃)အရ အရေးယူခံရမည်ဖြစ်ကြောင်းကို အသိပေးဆွေးနွေးဆောင်ရွက်ခဲ့ပြီး၊ ကုန်မျိုးစုံဆိုင်(၂)ဆိုင်အား စစ်ဆေးခဲ့ကြောင်း သိရှိရပါသည်။
DOCA(ဧရာဝတီ)