မကွေးတိုင်းဒေသကြီး၊ သရက်ခရိုင်၊ ကံမမြို့နယ် စီမံအုပ်ချုပ်ရေးအဖွဲ့ဥက္ကဌ၊ အတွင်းရေးမှူးနှင့် အဖွဲ့ဝင်များ၏ စီမံကွပ်ကဲမှုဖြင့် မြို့နယ်အထွေထွေအုပ်ချုပ်ရေးဦးစီးဌာနနှင့် မြို့နယ်အဆင့်ဌာနဆိုင်ရာတာဝန်ရှိသူများမှပူးပေါင်း၍ ကံမမြို့နယ်အတွင်းရှိ အများပြည်သူများထံသို့ စားသုံးဆီများအား သက်သာသောဈေးနှုန်းဖြင့် ရောင်းချပေးခဲ့ကြောင်း သိရှိရပါသည်။
ထိုသို့ ရောင်းချရာတွင် စားသုံးဆီတင်သွင်းသည့် ကုမ္ပဏီများမှ ဆီကိုယ်စားလှယ်နှင့် ဆီကုန်သည်၊ ဆီလုပ်ငန်းရှင်လက်ကားကုန်သည်များသို့ ဖြန့်ခွဲရောင်းချပေးသည့် စားအုန်းဆီများအား ကံမမြို့နယ်အတွက် စားအုန်းဆီပိဿာ(၂၂၀၀)ရရှိပြီး (၂၈.၆.၂၀၂၄)ရက်နေ့၊ နေ့လယ် (၁၄:၀၀)နာရီမှစ၍ စားအုန်းဆီများအား ဈေးနှုန်းသက်သာစွာဖြင့် ကံမမြို့၊ အမှတ်(၁/၂/၃/၄)ရပ်ကွက်များနှင့် စပယ်ခြုံ၊ ဂျွန်းတောင်ကျေးရွာများရှိ အိမ်ထောင်စုများအတွက် ပိဿာ(၂၂၀၀)ကို (၁)ပိဿာလျှင် ကျပ်(၆၅၀၀) ဈေးနှုန်းဖြင့် စနစ်တကျ ရောင်းချပေးခဲ့ကြောင်း သိရသည်။
DOCA(မကွေး)