စီးပွားရေးနှင့်ကူးသန်းရောင်းဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒုတိယဦးစီးမှူး ဒေါ်ဌေးဌေးဝင်းသည် (၂.၇.၂၀၂၄)ရက်နေ့၊ နံနက် (၀၈:၀၀)နာရီအချိန်တွင် မြို့နယ်စည်ပင်သာယာရေးအဖွဲ့၊ ရပ်ကွက်အုပ်ချုပ်ရေးမှူးတို့ပါဝင်သော အဖွဲ့ဖြင့် ပွင့်ဖြူမြို့၊ ကျောင်းတော်ရာကျေးရွာရှိ စည်ပင်သာယာဈေးအနီးတွင် ယာယီအရောင်းဆိုင် အဖြစ်ရောင်းချနေသော ဆန်၊ စပါးကုန်သည်များ၏ ဆန်အရောင်းဆိုင်မှ ဒေသခံ စားသုံးသူများအား သက်သာသောဈေးနှုန်းဖြင့် ဆန်များရောင်းချနေမှုအား ကွင်းဆင်းစစ်ဆေးခဲ့ပါသည်။
ထိုသို့ကွင်းဆင်းစစ်ဆေးရာတွင် စားသုံးသူပြည်သူတစ်ဦးလျှင် ဧရာပဒေသာ ဆန်(၁)ပြည်လျှင် ကျပ် (၅၀၀၀)ဖြင့် ဆန်(၂)ပြည်နှုန်း၊ ဧည့်မထဆန် ဆန်(၁)ပြည်လျှင် ကျပ်(၃၀၀၀)ဖြင့် ဆန်(၂)ပြည်နှုန်း၊ ရောင်းချခဲ့ကြောင်း၊ ဧရာပဒေသာဆန် အိတ်(၂၀)နှင့် ဧည့်မထ ဆန်(၃)အိတ် ရောင်းချခဲ့ပြီးနောက် ပွင့်ဖြူမြို့နယ် ဆန်စပါးကုန်သည်များမှ အလှည့်ကျအစုအဖွဲ့များဖြင့် ဆက်လက်ရောင်းချသွားမည်ဖြစ်ကြောင်း ဆန်စပါး ကုန်သည်များအသင်းဥက္ကဌ ဒေါ်နိုင်နိုင်မွန်ထံမှ သိရှိရပါသည်။
DOCA(မကွေး)