(၃.၇.၂၀၂၄) ရက်နေ့ စားသုံးသူရေးရာဦးစီးဌာန၊ မွန်ပြည်နယ်၊ ဒုတိယပြည်နယ် ဦးစီးမှူးနှင့် ဝန်ထမ်းများသည် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ သံဖြူဇရပ်မြို့၊ မြို့မဈေး၌ စားအုန်းဆီအမျိုးမျိုးအား ကုန်အညွှန်းအမှတ်အသားပြည့်စုံမှန်ကန်စွာ ဖော်ပြထားခြင်း ရှိ/မရှိကို ဈေးကွက်စောင့်ကြည့် စစ်ဆေးခဲ့သည်။
ထိုသို့ ဈေးကွက်စောင့်ကြည့်စစ်ဆေးရာ စားအုန်းဆီအမျိုးမျိုးတွင် စားသုံးသူကာကွယ်ရေးဥပဒေနှင့်အညီ ကုန်အညွှန်းအမှတ်အသားပြည့်စုံစွာ ဖော်ပြပါရှိမှု ရှိ/မရှိ၊ သက်ဆိုင်ရာ ဌာနဆိုင်ရာများ၏ သတ်မှတ်ချက်များနှင့် ကိုက်ညီမှု ရှိ/မရှိ ကိုစစ်ဆေးခဲ့ရာ ကုန်အညွှန်း အမှတ်အသားများပြည့်စုံစွာ ဖော်ပြပါရှိမှုကို တွေ့ရှိရပြီး၊ သတ်မှတ်ချက် ညွှန်ကြားချက်များနှင့် ကိုက်ညီမှုရှိသော စားအုန်းဆီများကိုသာ ရောင်းချနိုင်ရေး ပြောကြားခဲ့ပြီး စားအုန်းဆီအမျိုးမျိုး အရောင်းဆိုင်များအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။
DOCA(မွန်)