မကွေးတိုင်းဒေသကြီး၊ သရက်ခရိုင်၊ သရက်မြို့၊ ပြည်တော်အေးရပ်ကွက်ရှိ စားသုံးသူပြည်သူများထံသို့ (၅-၇-၂၀၂၄)ရက်နေ့၊ နံနက်(၁၀:၀၀)နာရီအချိန်တွင် သက်သာသောဈေးနှုန်းဖြင့် ဆန်များရောင်းချပေးခဲ့ရာ ဧည့်မထဆန်(၁)ပြည်လျှင် ကျပ်(၃၀၀၀) ဈေးနှုန်းဖြင့် ပြည်သူ(၃၆၀)ဦးအတွက် စုစုပေါင်းဆန်အိတ်(၁၅)အိတ်အား မြို့ပေါ်ရှိ ဆန်စက်နှင့် ဆန်လုပ်ငန်းရှင်များအသင်းက ရောင်းချပေးခဲ့ကြောင်းသိရသည်။
အဆိုပါရောင်းချပေးနေမှုအား စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ ဆန်ရောင်းချနေမှုအား ကွင်းဆင်းစိစစ်ခဲ့ပြီး ဆန်စက်နှင့် ဆန်လုပ်ငန်းရှင်များအသင်းက ယခုကဲ့သို့ မြို့ပေါ်ရှိရပ်ကွက်များတွင် အပတ်စဉ် ဆက်လက်ရောင်းချပေးသွားမည်ဖြစ်ကြောင်းနှင့် သရက်မြို့ပေါ်တွင် ဒုတိယအကြိမ်မြောက်ရောင်းချပေးခြင်းဖြစ်ကြောင်းသိရှိရပါသည်။
DOCA(မကွေး)